Utlendingar som ønskjer å busetje seg i Noreg, treng eit lovleg opphaldsgrunnlag for å få opphaldsløyve. Den typen opphaldsløyve ein har, utløyser ulike rettar og plikter. Alle må sjølv setje seg inn i kva for reglar som gjeld for dei. Alle som bur i Noreg, har plikt til å setje seg inn i landets lover og reglar. Ein har også plikt til å gje korrekt informasjon når det offentlege ber om det.
Dette tyder til dømes at alle barn har rett til å gå på skulen, og at alle har rett til behandling på sjukehus. Alle som arbeider, har plikt til å betale skatt. Og når vi leverer inn skattemelding kvart år, har vi plikt til å gje korrekt informasjon.
Styresmaktene lit på at innbyggjarane gjev riktige opplysningar og følgjer lova. Heile det norske systemet er bygd på dette prinsippet. Sjølv om det finst kontrollsystem, blir det ofte berre teke stikkprøver. Personar som blir tekne i å lure systemet, vil møte ulike straffereaksjonar. Dette kan vere bøter, fengselsstraff, samfunnsteneste o.l.
Ny innvandrar i Noreg
Historie, geografi og levesett
Barn og familie
Helse
Utdanning og kompetanse
Arbeidsliv
Demokrati og velferdssamfunn