کەسانی بیانی کە دەیانەوێ لە نەرویژ نیشتەجێ بن دەبێ هۆکارێکی یاساییان هەبێ بۆ ئەوەی بتوانن مۆڵەت یان پەرمانی نیشتەجێبوون وەربگرن. لەگەڵ هەر جۆرێک لە پەرمانی نیشتەجێبوون هەندێ مافی و ئەرکی تایبەت هەیە. پێویستە هەر تاکێک دڵنیا ببێ لەوەی کە پابەند دەبێ بە ئەو یاسایانە کە ئەو دەگرنەوە. هەرکەسێ کە لە نەرویژ دەژیێت دەبێ یاسا و ڕێساکانی ئەم وڵاتە فێر ببێ و پابەندیان بێ. ئەرکێکی دیکەی تۆ ئەوەیە کە هەرکات بەرپرسان داوای زانیارییان کرد دەبێ زانیاری ڕاست و دروست بدەی بە ئەوان.
ئەمە شاملی مافی خوێندنی منداڵان لە خوێندنگە و مافی دەرمانکردنی هەموو دانیشتوان لە نەخۆشخانە دەبێت. هەرکەسێک کە کارێکی هەیە دەبێ باج بدات. وە کاتێ کە ئێمە هەرساڵ فۆرمی باجی خۆمان پێشکەش دەکەین، پێویستە زانیاریی ڕاست بدەین. دەتوانی لە بەشە جیاوازەکانی ئەم سایتە زانیاریی زۆرتر بخوێنیتەوە سەبارەت بە مافەکان و ئەرکەکانی هەموو دانیشتوانی وڵاتی نەرویژ.
بەرپرسان متمانەیان هەیە کە هەموو دانیشتوان زانیاریی ڕاست پێشکەش دەکەن و پابەندی یاسا دەبن. سیستمی کۆمەڵگای نەرویژ لەسەر ئەم بنەما دامەزراوە. هەرچەند هەندێ سیستمی چاودێریکردن دانراوە، زۆرجار پشکنینی هەڕەمەش دەکرێت. ئەگەر پێبزانرێت کە کەسێک لەگەڵ سیستمی حکوومەت فێل دەکات بە شێوازی جۆراوجۆر سزا دەدرێت، لە سزای نەختی و بەندکردنەوە بگرە هەتا کاری کۆمەڵایەتی بێ‌مووچە و هەنگاوە یاساییەکانی تر.
کۆچەری نوێ لە وڵاتی نەرویژ
مێژوو، جوگرافیا و شێوازی ژیان
منداڵان و ژیانی خێزان
تهندروستی
پەروەردە و فێربوون
دامەزران
دیمکراتی و کۆمهڵگای ئاسووده