کۆچبەرانی نوێ لە نەرویج

فێربوونی زمانی نەرویژی

وێنەیەک لە کۆرسی زمانی نەرویجییەوە

ماف و ئەرک لە خوێندنی زمانی نەرویجی و زانیاریی کۆمەڵگە

هەندێک لە کۆچبەران ماف و ئەرکی خوێندنی نەرویجی و زانیاریی کۆمەڵگەیان هەیە.
ئەم کەسانە دەگرێتەوە:

  • پەنابەران
  • ئەو کەسانەی مافی مانەوە بەپێی بنەمای ئینسانییان هەیە/li>
  • ئەو کەسانەی مافی پاراستنی بەکۆمەڵیان هەیە
  • ئەو کەسانەی کە لە ڕێگەی یەکگرتنەوەی خێزانەوە لەگەڵ یەکێک لەو کەسانەی کە لە گرووپەکانی سەرەوە (مۆڵەتی کۆچکردنی خێزان) هاتوون.
  • ئەو کەسانەی لە ڕێگای یەکگرتنەوەی خێزانەوە لەگەڵ نەرویجییەک یان هاوڵاتییەکی باکووری (سوید، دانمارک، فینلاند و ئایسلەند) (مۆڵەتی کۆچکردنی خێزان) هاتوون.
  • ئەو کەسانەی کە هاوسەرگیرییان کردووە لەگەڵ کەسانێکدا کە مافی مانەوەی هەمیشەییان هەیە.

ئەو کەسانەی کە تەمەنیان لەنێوان ١٦-٦٧ ساڵاندایە ماف و ئەرکی بەشداریکردن لە کۆرسی خوێندنی نەرویجیدا هەیە. مافەکە ئەوە دەگرێتەوە کە خوێندنەکە بەبێ بەرامبەرە، و ئەرکەکەش ئەوە دەگرێتەوە کە ئەو کەسانە دەبێت ٦٠٠ سەعات بخوێنن بۆئەوەی مافی مانەوەی هەمیشەیی (یان ڕەگەزنامە)وەربگرن. لەو سەعاتانەی خوێندن دەبێت پەنجا سەعاتیان دەربارەی زانیاریی کۆمەڵگەی نەرویجی بێت، وە پەنجا سەعاتەکە بە زمانێک بخوێنرێت کە لێی تێبگەن. هەروەها دەشێت کە ژمارە سەعاتی زیاتری خوێندنی زمانی نەرویجی وەربگیرێت. شارەوانی بەپێی پێویست ئەو سەعاتی خوێندنانە دابین دەکات، بەڵام ژمارەی سەعاتەکان نابێت لە ٣٠٠٠ (سێ هەزار) تێپەڕێت.

ئەرکی خوێندنی زمانی نەرویجی و زانیاریی کۆمەڵگە

هەندێک لە کۆچبەران مافی خوێندنیان بەخۆڕایی نییە، بەڵام ئەرکە لەسەریان کە ٣٠٠ سەعاتی خوێندنی نەرویجی و زنیاریی کۆمەڵگە بخوێنن تا بتوانن مۆڵەتی مانەوەی هەمیشەیی وەربگرن. ئەوەش ئەم کەسانە دەگرێتەوە:

  • کۆچبەرانی وڵاتانی دەرەوەی ناوچەی ناوچەی ئابووریی ئەوروپا (EØS) و ئەنجوومەنی بازرگانیی ئازادی ئەوروپا (EFTA)
  • ئەو کەسانەی کە لە ڕیگای یەکگرتنەوەی خێزان لەگەڵ کرێکارانی کۆچبەر لە وڵاتانی دەرەوەی ناوچەی ناوچەی ئابووریی ئەورووپا (EØS) و ئەنجوومەنی بازرگانیی ئازادی ئەوروپا (EFTA)

ئەوانەی نە ماف و نە ئەرکی خوێندنی زمانی نەرویجی و زانیاریی کۆمەڵگەیان هەیە

هەندێک کۆچبەر نە ماف و نە ئەرکی خوێندنی زمانی نەرویجی و زانیاریی کۆمەڵگەیان هەیە. ئەم کەسانە دەگرێتەوە:

  • قوتابیان ( واتە ئەوانەی بۆ خوێندن دێن)
  • دایانی منداڵان (au pairer) و ئەوانەی کە مافی مانەوەی کاتییان هەیە
  • هاوڵاتیانی باکووری ئەوروپا
  • ئەو کەسانەی مافی مانەوەیان بەپێێ یاسا و ڕێساکانی EFTA/EØS وەرگرتووە

ڕاستیەکان

فێربوونی زمانی نەرویژی

هەموو ئەو کەسانە کە لە نەرویژ دەژین دەبێ لە زمانی نەرویژی تێبگەن و قسەی پێ بکەن. کۆمەڵگای نەرویژ چاوەڕوان دەکات هەموو کەسێک لە ژیانی کۆمەڵایەتی دا بەشداری بکات و زۆربەی خەڵک کار بدۆزنەوە و بژیوی خۆیان دابین بکەن. زۆربەی شارەوانیەکان خولی زمانی نەرویژی بەڕێوە دەبەن. هەروەها لە زۆربەی شوێنەکان خولی تایبەت بەڕێوە دەچێت. شارەوانی بۆ هەندێ لە کۆچەران بەخۆرایی خولی زمانی نەرویژی بەڕێوە دەبات، بەڵام ئەوانی تر دەبێ پارە بدەن. ئەمە بەسراوە بە جۆری ئەو پەرمانی نیشتەجێبوونە کە دەدرێت بە کەسی کۆچەر.