ناروے میں نیا تارکِ وطن

نوشک زبان اور معاشرتی علم کی تعلیم حق اور فرض

Foto fra et norskkurs

نوشک زبان اور معاشرتی علم کی تعلیم حق اور فرض

کچھ تارکین ِوطن کے لیے نوشک زبان اور معاشرتی علم کی مفت تعلیم اْن کاحق اور فرض ہے۔ : جیسے

  • پناہ گزین
  • انسانی ہمدردی کی بنیاد پرقیام والے اشخاص
  • اجتماعی تحفّظ کی بنیاد پر قیام والے اشخاص
  • وپردرج صورتوں والےافراد کے ساتھ خاندانی ملاپ والے اشخاص( خاندان کی ہجرت)
  • نارویجن یا نارڈ ک شہر یوں کے ساتھ خاندانی ملاپ والے افراد( خاندان کی ہجرت)
  • ایسے افراد کے ساتھ خاندانی ملاپ جن کے پاس مستقل سکونت کا اجازت نامہ ہو( خاندان کی ہجرت)

تعارف کا قانون
تعارف ایکٹ ان پر لاگو ہوتا ہےجنہیں اکتیس دسمبر دو ہزار بیس
سے پہلے اقامہ مل گیا ہو۔ تعارف ایکٹ کے مطابق صرف سولہ سے سڑسٹھ سال کی عُمر کے افراد ہیں جن کو نوشک کی تعلیم میں شمولیت کے لیے حق اور فرض حاصل ہیں۔

جن کا تعارف ایکٹ احاطہ کرتا ہے اس میں مُفت تعلیم کا حق شامل ہے اور فرض میں شامل ہے کہ یہ افراد مُستقل اقامے کے حصول ( یا شہریت ) کے لیے چھ سو گھنٹوں کی تعلیم مکمل کریں ۔ ان گھنٹوں میں سے پچاس گھنٹے کی معاشرتی عُلوم کی تعلیم ایک ایسی زبان میں ہو گی جسے شرکت کُنندہ سمجھتا / سمجھتی ہو۔ نوشک کی مُفت تعلیم کے لییے مزید گھنٹوں کی گرانٹ مل سکنا مُمکن ہے۔ کمیون (میونسپیلیٹی) یہ گھنٹے ضرورت ہونے پر تفویض کر سکتی ہے لیکن گھنٹوں کی کُل تعداد تین ہزار گھنٹوں سے زیادہ نہیں ہو سکتی۔

انضمام ایکٹ
یکم جنوری دو ہزار اکیس کو ایک نیا قانون نافذ ہوا جسے انضمام ایکٹ کہا جاتا ہے۔ انضمام ایکٹ کے مُطابق اٹھارہ سے سڑسٹھ سال کی عُمر تک کے افراد کا نوشک کی تعلیم حاصل کرنے کا حق اور فرض ہے۔ شمولیت کُنندگان جو انضمام ایکٹ کے تحت آتے ہیں نوشک میں ایک کم ازکم سطح تک پہنچنا اُن کا حق اور فرض ہے۔ اس سطح کا تعین شرکت کُنندگان کی تعلیمی سطح کرتی ہے۔ نوشک کی تعلیم بُنیادی طور پر تین سال سے زیادہ نہیں ہو گی۔ وہ جو پہلے سے ہی ہائی سکول یا اس سے اعلیِ تعلیم حاصل کر کے ناروے آئے ہوں اُن کے لئے یہ تعلیم اٹھارہ ماہ سے زیادہ نہیں ہو گی۔

جو شرکت کُنندگان ناروے اکتیس دسمبر دوہزار اکیس یا اس سے پہلے آئے ہوں وہ پچاس گھنٹے کی معاشرتی تعلیم کا حصول جاری رکھیں گے۔ جو شرکت کُنندگان یکم جنوری دو ہزار بائیس
یا اس کے بعد ناروے آئے ہوں وہ پچھتر گھنٹوں کی معاشرتی علوم کی تعلیم مکمل کریں گے ایک ایسی زبان میں جو شرکت کُنندہ کو آتی ہو۔

نوشک میں نوشک اور معاشرتی علوم کی تربیت کا فرض

بعض تارکین وطن کو مفت تعلیم کا حق حاصل نہیں لیکن تعلیم کی تکمیل ان پر فرض ہے۔ تعارف ایکٹ کے بعد جو تعلیم کے فرض کے احاطے میں آتے ہیں اُن کا فرض ہے کہ وہ مُستقل اقامے کے حصول کے لیے نوشک اور معاشرتی علوم کی تین سو گھنٹوں کی تعلیم مکمل کریں۔ جو تارکین وطن قانون انضمام کے بعد تعلیم کے فرض کے زُمرے میں آتے ہیں اُن کی ذمہ داری ہے کہ وہ نوشک کی ایک کم از کم سطح حاصل کریں یا نوشک اور معاشرتی علوم کی تین سو گھنٹوں کی تعلیم مکمل کریں۔ جو تارکین وطن یکم جنوری دو ہزار بائیس یا اس کے بعد ناروے آئے ہوں ان کے لئے ان میں سے پچھتر گھنٹے معاشرتی علوم کی تعلیم کے لیے ہوں گے۔
یہ لاگو ہو گا:

  • EØS/EFTA سے باہرممالک سے کام کے لئے ناروے آئیں۔
  • EØS/EFTA سے باہر کے ممالک سے کام کے لئےناروے ایسےافرادجو ان لوگوں کے پاس خاندانی ملاپ کے لئےآئیں جو آئیں۔( خاندان کی ہجرت)

نوشک زبان اور معاشرتی علم کی تعلیم نہ حق نہ فرض

بعض تارکینِ وطن نہ تو نوشک زبان کی تعلیم کا حق رکھتے ہیں نہ ہی ان کے لئے لازمی ہے۔ جیسے:

  • طلباء
  • au pairer گھریلو معاون اورقلیل مدت کے قیام کے لیے آنے والےدیگر افراد
  • شمالی ممالک کے شہری
  • EØS/EFTA مالک کے قوانین کے مطابق ناروے میں قیام

حقائق

نوشک زبان کی تعلیم

نا روے میں مقیم سب لوگوں کو نوشک زبان بولنی اور سمجھنی چا ہیے۔ نارویجن معاشرہ اس بات کی توقع کرتا ہے کہ تمام لوگ معاشرتی زندگی میں سرگرم ہوں اورلوگوں کی ا کثر یت روزگار میں ہو اور ا پنی کفالت خود کرتے ہوں۔ ا کثر بلدیات میں نوشک کورس کی سہولت ہے اور کئی نجی ادارے بھی نوشک کورس کا اہتمام کرتے ہیں۔بعض غیر ملکیوں کو بلدیہ سے مفت نورشک کورس کی سہولت ہے جب کہ دوسروں کو اس کی ادائیگی کرنی پڑتی ہے۔ اس کا انحصار اس بات پر ہے کہ کسی کے پاس کس قسم کا اقامتی ویزہ ہے۔