په ناروې کې نوی کډوال (مهاجر)

کار او زده کړو ته د چمتو کولو پروګرام (انترودوکشون پروګرام)

 

نویو راغلیو کډوالو ته په ناروې کې د ښو امکاناتو د برابرولو لپاره زده کړو او کار ته د چمتو کولو یو پروګرام (introduksjonsprogrammet) شتون لري. د انترودوکشون پروګرام له لارې نوي راغلي کډوال له ناروېژي ټولنې سره پېژندګلوی پېدا کوي. د دې پروګرام مسؤلیت د ښاروالۍ (کمون) پر غاړه دی.

زده کړو او کار ته د چمتو کولو پروګرام (انترودوکشون پروګرام) باید په کاري او ټولنیز ژوند کې د کډوالو ګډون پیاوړي کړي. د دې پروګرام موخه دا ده، چې کډوال له اقتصادي پلوه په ځان متکي او بسیا شي.

ول نه، بلکې ځينې کډوال د زده کړو او کار ته د چمتو کولو په پروګرام (انترودوکشون پروګرام) کې د ګډون کولو حق او دنده لري. دا کار د استوګنې د اجازې له ډول سره تړاو لري.

لاندې ډلې (ګروپونه) په انترودوکشون پروګرام کې د ګډون حق او دنده لري:

  • سیاسي کډوال
  • هغه کسان چې د بشردوستانه لاملونو له کبله پناه ورکړل شوې ده
  • هغه کسان چې د پورتنیو دوه ډلو سره یوځای شوي وي
  • هغه کسان چې په خپلواکه توګه ورته له دې کبله د استوګنې اجازه ورکړل شوې وي، چې پخپله یا ماشومان یې په ګډ ژوند کې له ناوړه چلند، زور زیاتي یا جبري واده سره مخامخ شوي وي او یا هم نشي کولای چې د ګډ ژوند له پای ته رسېدو (له یو بل څخه د جلا کېدو) وروسته خپل هېواد ته د ټولنیزو او کلتوري شرایطو له مخې بیرته ستانه شي.
  • معلومات

    د انترودوکشون پروګرام باید

    • د کډوالو (مهاجرینو) امکانات پیاړوي کړي، تر څو په کاري او ټولنیز ژوند کې برخه واخلي
    • له اقتصادي پلوه د مهاجرینو خپلواکي پیاوړې کړي
    • د ناروېژي ژبې ابتدائيې زده کړه ورکړي/li>
    • د ناروېژي ټولنیز ژوند په باره کې پوهه ورکړي