Samfunnskunnskap.no

Norvegjia në botë

Norvegjia ka një kufi të përbashkët tokësor me Suedinë, Finlandën dhe Rusinë. Norvegjia ka sipërfaqe prej 385 199 kilometra katrorë. Kjo do të thotë se madhësia e Norvegjisë është më e vogël se Tajlanda, Iraku, Turqia dhe Somalia. Ajo që është e posaçme me Norvegjinë është, se është një vend i gjatë dhe i ngushtë. Është pothuajse e njëjta distancë midis Oslos dhe Parisit, siç është midis Oslos dhe Tromsøs.

Norvegjia është në vendet nordike(veriore), e cila përbëhet nga Norvegjia, Suedia, Danimarka, Finlanda dhe Islanda. Norvegjia gjithashtu e përbën Skandinavinë së bashku me Suedinë dhe Danimarkën. Norvegjia kufizohet me Suedinë, Finlandën dhe Rusinë.

Rajonet e Norvegjisë

Norvegjia është e ndarë në pesë rajone: Norvegjia Veriore, Trøndelag, Norvegjia Perëndimore, Norvegjia Jugore dhe Norvegjia lindore.

Prefekturat

Janë 18 prefektura në Norvegji. Ato shpërndahen në pjesë të ndryshme të vendit:
Norvegjia Veriore: Finnmark, Troms(Trums) dhe Nordland
Trøndelag(Trondelag): Trøndelag(Trondelag)
Norvegjia Perëndimore: Møre dhe Romsdal (More dhe Rumsdal), Søgn dhe Fjordane (Sogn dhe fjordane), Hordaland dhe Rogaland
Norvegjia jugore: Vest-Agder dhe Aust-Agder (Agderi përëndimor dhe Agderi lindor)
Norvegjia Lindore: Telemark, Buskerud, Vestfold, Akershus, Oslo, Østfold(Ostfold), Hedmark dhe Oppland

Qytetet

Janë rreth 100 qytete në Norvegji. Këta janë dhjetë qytetet më të mëdhenj:

• Oslo

• Bergen

• Trondheim

• Stavanger
• Kristiansand
• Fredrikstad
• Tromso(Trumso)
• Sandnes
• Drammen
• Sarpsborg

ssb.no

Fakte tjera gjeografike

• Maja më e lartë është Galdhøpiggen. Ajo është 2469 metra e lartë.

• Liqeni më i madh i Norvegjisë është liqeni Mjøsa. Ai është 365 kilometra katrorë i madh.
• Lumi më i gjatë i Norvegjisë është Glomma. Ai është 611 km i gjatë.
• Përgjatë bregdetit ka shumë fjorde, dhe më i gjati prej tyre është Sognefjord. Ai është 204 kilometra i gjatë dhe 1308 metra i thellë në vendin më të thellë të tij.

• Gati gjysma e sipërfaqes në Norvegji përbëhet nga zona malore, dhe rreth një e treta e sipërfaqes mbulohet me pyje. Vetëm dy përqind e Norvegjisë është e ndërtuar (ndërtesa dhe rrugë).