مێژوو، جوگرافیا و شێوازی ژیان

نیشته‌جێ بوون و دانیشتوان له نەرویژ

  • لە سەروو پێنج ملیۆن مرۆڤ لە نەرویج دەژین..
  • نزیکەی ٧٥ لە سەدی دانیشتووان بە درێژایی کەنارەکان دەژین و جێگیرن..
  • دەوروبەری نیوەی دانیشتووانی نەرویج لە ڕۆژهەڵاتی وڵات (Østlandet) دەژین..
  • نزیکەی حەڤدە لە سەدی دانیشتووانی نەرویج لە کۆچبەرانن (کۆچبەران و منداڵانی کۆچبەرانی لەدایکبووی نەرویج). شارەکانی ئۆسلۆ و درامن لەو شارانەی نەرویجن کە زۆرترین ڕێژەی دانیشتووانی کۆچبەرانیان تێدایە.
  • لەبارەی دانیشتووانی نەرویج دەتوانیت لەم ماڵپەڕەدا زیاتر بخوێنیتەوە:
    www.ssb.no

ڕاستیەکان

سامەکان

نەرویج نەتەوەیەکی ڕەسەنی هەیە کە ناسراون بە سام. سامەکان ئەو گرووپە خەڵکەن کە پێش هەموو خەڵکانی تر لە نەرویج ژیاون. ژمارەی سامەکان لە نەرویج لە نێوان ٠٠٠ ٤٠ بۆ ٠٠٠ ٥٠ (چل هەزار بۆ پەنجا هەزار) کەس دەبێت. هەروەها نزیکەی ٠٠٠ ٥٠ ( پەنجا هەزار) سام لە سوید و فینلاند و ڕوسیا دەژین.

خەڵکی سامی زمانی خۆیان هەیە کە هەر پێی ئێژن سامی. زمانی سامی چەندین شێوەزاری هەیە.

خەڵکی سامی لە 1989ـەوە پەڕلەمانی خۆیان (سامێتنگ – Sameting) هەیە. ئەو پرسانە کە تایبەتن بە خەڵکی سامی لە نێو پەڕلەمانی سامی باس دەکرێن. بەڵام یاساکانی نەرویژ خەڵکی سامی، وە هەروەها هەموو گرووپە جەماوەرییەکانی دیکەی وڵاتی نەرویژ دەگرێتەوە.
هەر چوار ساڵ جارێک، هاوکات لەگەڵ هەڵبژاردنی پەرلەمانی نەرویج هەڵبژاردنی پەرلەمانی سامیش بەڕێوە دەچێت