حکوومەتی فیدراڵ، پارێزگا و شارەوانیەکان

حکوومەتی فیدراڵ، پارێزگا و شارەوانیەکان

لە نەرویج ١١ (یازدە) پارێزگا و 356 (سێسەد و پەنجاوشەش) شارەوانی هەیە. ( ئۆسلۆ هەم شارەوانی و هەم پارێزگاشە).

پارێزگا و شارەوانی هەم ناوچەی جوگرافین و هەم یەکەی بەڕێوەبردنی سیاسین. هەریەک لە شارەوانییەکان و پارێزگاکان مافی خۆبەڕێوەبردنیان هەیە لە هەندێک بابەتدا، هەرچەندە حکومەتیش تا ڕادەیەکی زۆر بڕیار دەدات. حکومەت چوارچێوەی بڕیارەکان بۆ پارێزگاکان و شارەوانییەکان دادەنێت. حکومەت بڕیار بەسەر سەرانسەری وڵاتدا دەدات، بەڵام پارێزگاکان و شارەوانییەکان تەنها بڕیار لە ناوچەیەک دەدەن.

بەرێوەبردنی سیاسی و بەڕێوەبردن

دەوڵەت، پارێزگەکان و شارەوانییەکان لە لایەن سیاسییە هەڵبژێردراوەکان بەڕێوەدەبرێن. ئەمەش بەمانای ئەوە دێت کە سیاسییەکان گفتوگۆ لەسەر بابەتی جۆراوجۆر دەکەن وە بڕیاردەدەن کە کام سیاسەت گونجاوە بۆ بوارە جۆراوجۆرەکان. بەڵام ئەوە بیرۆکراتەکان – فەرمانبەرانی دەوڵەت، پارێزگە وە شارەوانییەکانن کە سیاسەتەکان دەخەنە بواری جێبەجێکردنەوە.

ڕاستیەکان

چەند نموونە لە ئەرکەکانی حکوومەتی فیدراڵ ئەمانەن:

  • سیاسەتی دەرەوە
  • نەخۆشخانەکان
  • یاساکان
  • دەرسنامەی خوێندنگەکان

چەند نموونە لە بەرپرسیارەتیەکانی پارێزگا:

  • خوێندنی دواناوەندی
  • ڕێگا سەرەکیەکانی پارێزگا

چەند نموونە لە بەرپرسیارەتیەکانی شارەوانی:

  • خوێندنگەی سەرەتایی و ناوەندی
  • باخچەی ساوا
  • چاودێکردنی بەساڵاچووان
  • لەناوبردنی پاشەڕۆ، ئاو و زێراو
  • جادەی شارەوانیەکان