جمہوریت اورفلاحی معاشرہ

انتخاب اور سیاسی جماعتیں

انتخابات

ناروے میں ہر دو سال کے بعد سیاسی انتخابات ہوتے ہیں۔ عام انتخاب اور مقامی انتخابات (ضلعی اوربلدیاتی انتخابات) ایک دوسرے کے بعد آتے ہیں۔ قومی اسمبلی کا چناؤ ہر چوتھے سال ہوتا ہے اور ضلعی کونسلوں اور بلدیاتی کونسلوں کا چناؤ بھی اسی طرح ہوتا ہے۔

خفیہ رائے دہی ایک خاتون اپنا ووٹ کا حق استعمال کرتے ہوئے

سیاسی جماعتیں اپنے قومی اجتماعات میں ایک پروگرام تشکیل دیتی ہیں۔ اس پروگرام میں وہ لکھتی ہیں کہ آئندہ ا نتخابات میں یعنی اگلے چار سالوں میں وہ کون سے معاملات پرکام کریں گی یعنی آئندہ ا نتخابی مدت کے دوران۔

ناروے میں خفیہ رائےدہی ہوتی ہے۔ اس کا مطلب یہ ہے کہ کسی کو پتہ نہیں چلتا کہ آپ نے کس کو ووٹ دیا ہے اور آپ کو یہ کسی کو بتانے کی ضرورت بھی نہیں ہوتی۔۔ آپ خود فیصلہ کرتے ہیں کہ آپ نے اپنا ووٹ کس کو دینا ہے اور یہ بھی غیرمعمولی نہیں کہ خاندان کے افراد مختلف ووٹ دیتے ہیں۔

سیاسی جماعتیں

ناروے میں بہت مختلف سیاسی جماعتیں ہیں اور جب ا نتخابات ہوتے ہیں توانتخاب کے لیے کئی متبادل ہوتے ہیں۔ ناروے میں 20 کے قریب مختلف سیاسی جماعتیں ہیں

ایک خام اندازے کے مطابق ہم بڑی جماعتوں کوسوشلسٹ سے بورژوا سکیل پر اس طرح دکھا سکتے ہیں:
Rødt SV Ap SP KrF Venstre Høyre FrP

رسمی اور غیر رسمی طاقت

پارلیمنٹ کےسیاستدان قوانین بناتے ہیں ان میں تبدیلی کرتے ہیں اور بجٹ بناتے ہیں۔ اس طرح وہ رسمی طاقت رکھتے ہیں جس کے ذریعے وہ قومی اور مقامی سطح پر اپنی سیاست کے حوالے سے اثر انداز ہوتے ہیں۔ اس کے علاوہ کئی اور عناصر ہیں جوغیر رسمی طاقت کے حامل ہوتے ہیں۔ اس کا مطلب ہے کہ وہ سیاست پر مختلف طریقوں سے اثر انداز ہوتے ہیں ۔

میڈیا
مِیڈیا ( ریڈیو، ٹی وی، انٹرنیٹ، اخبارات وغیرہ) ناروے میں آزاد ہے۔اس کا مطلب ہے کہ وہ جیسی معلومات چاہیں شائع کر سکتے ہیں، قطع نظر اس کے کہ کون سی جماعت حکومت میں ہے۔ لیکن مِیڈیا کو بھی آزادیِ اظہارِ رائے کی حدود کے اندر رہنا پڑتا ہے۔ مِیڈیا اثر انداز ہونے کی بہت طاقت رکھتا ہے۔ ہم کہتے ہیں کہ مِیڈیا مسائل کو منظرِ عام پر لاتا ہے اور خراب صورتحال میں محافظ کْتے کا کردار ادا کرتا ہے۔ اس طرح یہ ناظرین،قارئین ،سامعین اور سیاستدانوں پر اثرانداز ہوتا ہے۔

غیرسرکاری تنظیمیں
ناروے میں تنظیمی آزادی ہے۔ اور باتوں کے علاوہ اس کا مطلب ہے کہ شہری آزادانہ کوئی تنظیم بنانے اور مختلف دلچسپی کی تنظیموں کا رْکن بن سکتے ہیں۔

ایسی تنظیموں کی مثالیں درجِ ذیل ہیں:

  • مختلف معذوریوں اور بیماریوں والے انسانوں کے لیے تنظیمیں
  • عورتوں کے حقوق کے لیے تنظیمیں
  • بچوں کے حقوق کے لیے تنظیمیں
  • ماحول اور تحفّظِ فطرت کے لیے تنظیمیں
  • بلدیات میں مختلف معاملات کے لیے جدّو جہد کرنے والی تنظیمیں

مِیڈیا کی طرح ایسی تنظیمیں بھی اثر انداز ہونے کی بہت طاقت رکھتی ہیں۔ یہ عام ناظرین، قارئین ،سامعین اور سیاستدانوں پر اثرانداز ہوتی ہیں۔ جب لوگ یا تنظیمیں سیاستدانوں اور ان کے فیصلوں پرغیر رسمی طور پر اثر انداز ہونے کی کوشش کرتے ہیں تو ہم اسے اثر انداز ہونے کی حکمتِ عملی کہتے ہیں۔

حقائق

ووٹ کا حق

  • ناروے میں حق رائے دہی کی عمر 18سال ہے۔
  • پارلیمنٹ کے انتخابات میں ووٹ ڈالنے کے لئے آپ کا نارویجن شہری ہونا ضروری ہے۔
  • بلدیاتی اور صوبائی ا نتخابات میں ووٹ ڈالنے کے لئے انتخابات سے پہلے آپ کاگزشتہ تین سالوں سے ناروے میں رہائش پزیر ہونا ضروری ہے۔