Dimuqraadiyadda iyo bulshada-daryeelka

Shaqada ugu weyn ee bulshada daryeelka

Bulshada daryeelka ee Norwiijiga waxa astaan u ah masuuliyad guud oo dawladu leedahey. Xukuumada, gobolada iyo degmooyinka ayaa maalgeliya qeybaha ugu waaweyn ee kaalmooyinka daryeelka., iyaga ayaana kaantaroola in dadku raacaan sharciyada. Ujeedadu waxa weeye in dhammaan dadka loola dhaqmo si isku mid ah, iyo in kaalmooyinka daryeelka si cadaalad ah loogu qeybiyo.

Qaar badan oo bulshooyinka ka mid ah reerka ayaa masuuliyada guud ka saarantahey inuu caawiyo xubnaha reerka haddii ey u baahdaan caawimo. Norwey waa dabiici waana caadi in la taageero reerka iyo asxaabta haddii ay u baahdaan daryeel ama caawimo, laakiin dawlada ayaa maanta hawsha inteeda badan la wareegey.

Bulsho daryeel waxey dadka siisaa daryeel badan. Waxaase muhiim ah in la ogaado in dadka ku nool bulsho daryeel uu saaranyahey waajibaad. Shuruud muhiim ah iney shaqeyso bulsho daryeel waa kalsoonida. In cid lagu kalsoonaadaa waa iyada oo cidaas la aamino. Waa inaan aamino in waxqabasha bulshadu daryeelku shaqeyneyso markaan u baahano. Sidoo kale xukuumada iyo degmooyinku waa iney dhinacooda ka aamini karaan in dadku dhiibayo macluumaad sax ah, iyo in aaney ku xadgudbeyn kaalmooyinka daryeelka.

Wax sax ah

Ujeeddada bulsho-daryeel

waa amniga dadka dhammaan iyo cadaalad u qaybinta dheefaha daryeelka.
Bulsho-daryeel waxay ku dhisan tahay kalsooni!

Dawlad-daryeel shaqadeeda guud waa:

  • Caafimaadka muwaadiniinta
  • Waxbarashada muwaadiniinta
  • Daryeelka carruurta
  • daryeelka duqayda iyo kuwa kale ee u baahan daryeel
  • damaanad dhaqaale ee muwaadin kasta