جمہوریت اورفلاحی معاشرہ

فلاحی معاشرے کی بنیادی ذمہ داریاں

نارویجن فلاحی معاشرے کی خصوصیّت اس کی حد درجہ سرکاری ذمہ داری ہے۔ ریاست، ضلعی بلدیات اور بلدیات سماجی فوا ئد کے زیادہ حصّے کے اخراجات کا انتظام کرتی ہیں اور وہ اس بات کا خیال بھی رکھتی ہیں کہ باشندے اس نظام کے قوانین کی پابندی کریں ۔ مقصد یہ ہے کہ تمام باشندوں کے ساتھ مساویانہ سلوک ہو اور سماجی فوا ئد کی منصفانہ تقسیم ہو۔

اکثر معاشروں میں ضرورت کے وقت خاندان کے افراد کی مدد کی بنیادی ذمّہ داری خاندان کی ہوتی ہے۔ ناروے میں بھی خاندان اور دوستوں میں ضرورتمندوں سے ہمدردی اور مدد کرناعام اور فطری بات ہے لیکن اب زیادہ ذمّہ داری سرکاری اداروں نے سنبھال لی ہے۔

ایک فلاحی معاشرہ اپنے شہریوں کو کئی فوا ئد کی ضمانت دیتا ہے۔ لیکن یہ جاننا بھی ضروری ہے کہ فلاحی ریاست میں شہریوں کی بھی ذمّہ داریاں ہیں۔ فلاحی ریاست کی کامیابی کے لئے ایک اہم شرط اعتماد ہے۔ کسی پر اعتماد کا مطلب ہے کہ ہم ان پر بھروسہ کر سکتے ہیں۔ ہمیں اس بات پر بھروسہ ہو کہ فلاحی ریاست میں ہماری ضرورت کے وقت انتظامات کارگر ہوں گے۔ ریاست اور بلدیات کو اپنی طرف سے یہ بھروسہ ہوکہ باشندے درست معلومات دیتے ہیں اور وہ فلاحی فوائد کا ناجائز استعمال نہیں کرتے۔

حقائق

فلاحی ریاست کا نصب العین

سب کے لئے تحفظ اور فلاحی سہولیات کی منصفانہ تقسیم ہے۔

فلاحی معاشرے کی بنیاد اعتماد پر ہوتی ہے!

فلاحی ریاست کے اہم فرائض ہیں:

  • شہریوں کی صحت
  • شہریوں کی تعلیم
  • بچوں کی نگہداشت
  • بوڑھوں اور دوسرے مستحق افراد کی د یکھ بھال
  • فرد کا اقتصادی تحفظ