منداڵان و ژیانی خێزان

خانوو

خانوو لە بێرگن

زیاتر لە دوو ملیۆن خانوو وشوێنی نیشتەجێبوون لە نەرویج هەن. زیاتر لە نیوەیان خانووی سەربەخۆن. لە شاری گەورەی وەک ئۆسلۆ، ٧٠ لە سەدی شوێنی نیشتەجێبوونەکان لە بینای گەورە و ئەپارتمان پێکهاتوون. لە شار و شارەوانییە بچووکەکاندا بۆی هەیە کە ٩٠ لە سەدی شوێنی نیشتەجێبوونەکان خانووی سەربەخۆ بن. نزیکەی یەک لە چواری دانیشتووان لە خانووی کرێدا دەژین، و باقیەکەی تری خاوەنی خانووی خۆیانن.

نەرویج دوو جۆر خاوەنداریەتی خانوو هەیە: جۆرێکیان پێی دەوترێت “selveier” واتە “خود خاوەندارێتی” یان موڵکی خۆت و جۆرەکەی تریان پێی دەوترێت “borettslag” واتە خاوەندارێتی خانوو لە ڕێگەی پشکی کۆمپانیایەکەوە دەبێت کە سەرپەرشتی دەکات.

تەقریبەن هەموو خانوویەک لە نەرویج گەرماو و تەوالێت و چێشتخانەی خۆی هەیە.

نموونەی ئەپارتمان لە باکووری نەرویج خانوو لە گەیرانگەر خانووی سەربەخۆ خانوو لە لوفوتن

ڕاستیەکان

ئایا تۆ دەتزانی…

  • بەکارهێنانی کارەبا بەربڵاوترین سەرچاوەیە بۆ گەرمکردنەوەی خانوو و ناوماڵ. زیاتر لە ٩٠ لەسەدی خانووەکان بۆ گەرمکردنەوەی ناوماڵ کارەبا بەکاردەهێنن. هەروەها بەشێک لە خەڵکیش دار یان نەوت بەکار دەهێنن.
  • نزیکی سێیەکی خەرجییەکانی ماڵ بۆ مەسرەفی خانووبەرە دەڕوات، لە کاتێکدا خێزانێکی مامناوەندی تەنها ١١ لە سەدی بودجەکەیان بۆ خۆراک بەکار دەهێنن.