سالامەتلىك

بالىلار ۋە سالامەتلىك

 

ھامىلدارلىق تەكشۈرۈشى ۋە تۇغۇت

بىر جەمىيەتتىكى بوۋاقلارنىڭ ئۆلۈش نىسپىتى، ئاتا- ئانا ۋە بالىلارغا تەمىن ئېتىلگەن پاراۋانلىق كاپالىتى ھەمدە باشقا سوتسىئال پاراۋانلىق ئەۋزەللىكلىرىنىڭ تەسىرىدىن باشقا، تۇرمۇش ئۆلچىمى،سەھىيە مۇلازىمىتى ۋە داۋالاش تېخنىكىسىنىڭ تەسىرىگىمۇ ئۇچرايدۇ. بۈگۈنكى كۈندە،كۆپلىگەن باشقا دۆلەتلەرگە ۋە بۇرۇنقى زامانلارغا

سېلۇشتۇرغاندا نورۋېگىيەدە بوۋاق بالىلارنىڭ ئۆلۈش نىسپىتى تۆۋەن. نورۋېگىيەدىكى ھامىلدار ئاياللار ھەقسىز ھامىلدارلىق تەكشۈرشى قىلدۇررۇش ھۇقۇقىغا ئىگە. تەكشۈرۈشنى، سەھيە پۇنكىتلىرى، ياكى، مۇقۇم دوختۇر قىلىدۇ. بۇنداق تەكشۈرۈش ئىختىيارى بولۇپ، مەقسەت، ئانا ۋە بالىنىڭ ھامىلدارلىق مەزگىلدىكى،تۇغۇت داۋامىدىكى ۋە تۇغۇتتىن كېيىنكى سالامەتلىگىگە كاپالەتلىك قىلىش. نورۋېگىيەدە، ھامىلدارلىق داۋامىدا، 10 قېتىمدىن 12 قېتىمغىچە تەكشۇرتۈش تەۋسىيە قىلىنىدۇ. مۇتلەق كۆپۈنچەيلەن دوختۇرخانىدا تۇغۇدۇ ۋە بۇ ھەقسىز.

Nyfødt barn på vekt

نورۋېگىيەدىكى بارلىق بالىلار ۋە ياش- ئۆسمۈرلەر قەرەرلىك سالامەتلىك تەكشۈرۈشتىن بەھرىمەن بولالايدۇ.بۇنداق تەكشۈرۈشلەر، بالىلارنىڭ بوۋاقلىق ۋاقتىدىن تارتىپ، ئوقۇش يېشىغىچە بولغان ئارلىقتا سالاامەتلىك ئاسراش مەركىزىدە ئېپ بېرلىدۇ. بالىلار مەكتەپكە باشلىغاندىن كېيىن بولسا، تەكشۈرۈشكە مەكتەپنىڭ سەھىيە مۇلازىمەت ئىشخانىسى مەسئۇل بۇلۇدۇ. سالاامەتلىك ئاسراش مەركىزىدە ۋە مەكتەپ سەھىيە ئىشخانىسىنىڭ مۇلازىمىتى ھەقسىز.

سالاامەتلىك ئاسراش مەركىزىدە ،بالىنىڭ تەرەققى قىلىش ئەھۋالى يەنى، بويىنىڭ ئۆسۈشى، ئېغىرلىغى نورمالمۇ- يوق، كۆرۈش ۋە ئاڭلاش ئىقتىدارى ياخشىمۇ، چۈشۈنۈش ۋە سۆزلەشنى ئۈگىنەلەۋاتامدۇ دىگەندەك تەرەپلەر كۈزىتىلىدۇ. ئەگەر بالىنىڭ تەرەققىياتىدا بىر مەسىلە بولسا، سەھىيە پونكىتى بۇنىڭغا ياردەم بېرىدۇ ۋە يېتېكچىلىك قىلىدۇ.

نورۋېگىيەدىكى بارلىق بالىلار ۋە ياش- ئۆسمۈرلەر، ئېغىر كېسەللىكلەرگە قارشى ھەقسىز ۋاكسىنىلاشتىن (vaksinasjon) بەھرىمەن بولالايدۇ. ۋاكسىنىلاش،كېسەلگە قارشى مۇدەپەلىنىشنىڭ ئەڭ ئاددى، ئۈنۈملۈك ۋە بىخەتەر چارىسى. ۋاكسىنىلاش بولسا ئىختىيارى، لېكىن نورۋېگىيە ھۆكۈمەت دائىرلىرى ئاتا- ئانىلارنىڭ باللىرىنى ۋاكسىنىلىتىشنى كۈچلۈك تەۋسىيە قىلىدۇ.

ۋاكسىنىلاش بولسا، ۋاكسىنىلاش پروگرامماىسىنىڭ بىر قىسمى بۇلۇپ ھەقسىز. مەسىلەن،چەتئەلگە سەپەر قىلىش مۇناسىۋىتى بىلەن قوشۇمچە ۋاكسىنىلاشقا توغرا كەلسە، بۇنىڭغا ئۆزىڭىز پۇل تۆلەيسىز.

 

پاكىتلار

 

  • بارلىق بالىلارنىڭ خاتىرجەم ئۆسۈپ يېتىلىش ھوقۇقى بار.
  • بارلىق بالىلار ۋە ياش-ئۆسمۈرلەر ھەقسىز سالامەتلىك يەكشۈرۈشتىن بەھرىمەن بولۇدۇ.
  • بارلىق بالىلار ۋە ياش-ئۆسمۈرلەرھەقسىز ئەملەش (vaksine ) پىرگوراممىسىدىن بەھرىمەن بولۇدۇ.
  • بارلىق بالىلار ھەقسىز چىش داۋالىتىشتىن بەھرىمەن بولۇدۇ.
  • بارلىق بالىلار ئاتا – ئانىسىنىڭ ئختىسادىنىڭ قانداق بولۇشىدىن قەتئىنەزەر يېتەرلىك سالامەتلىك ياردىمىگە ئېرىشىدۇ.

ئەگەر سالامەتلىك ياكى باشقا جەھەتتىكى مەسىلىلەر ۋاقتىدا بايقالسا، ئادەمنىڭ سالامەتلىگىنىڭ ئەسلىگە كېلىش مۈمكىنچىلىگى يۇقىرى بولۇدۇ. ئەملەش (vaksine ) كېسەللىكنىڭ ئالدىنى ئالىدۇ،ھەمدە يۇقۇملۇق كېسەللىكلەرنى يىلتىزىدىن يۇقۇتىدۇ.

سالامەتلىك ئاسراش مەركەزلىرى ۋە مەكتەپ سالامەتلىك مۇلازىمىتى

سالامەتلىك ئاسراش مەركەزلىرى ۋە مەكتەپ سالامەتلىك مۇلازىمىتى بولسا،بارلىق بالىلار،ياش- ئۆسمۈرلەر ۋە ئۇلارنىڭ ئاتا- ئانىسى ئۈچۈن تەمىن ئېتىلگەن،قانۇندا بىكىتىلگەن مۇلازىمەتتۇر. بۇ خىل مۇلازىمەت،ھامىلدارلىق تەكشۈرۈشى، 0 ياشتىن 5 ياشقىچە بولغان بالىلار ئۈچۈن سالامەتلىك ئاسراش مەركىزى، 6 ياشتىن 20 ياشقىچە بولغان بالىلار ئۈچۈن مەكتەپ سالامەتلىك مۇلازىمىتى ۋە ياشلار ئۈچۈن سالامەتلىك ئاسراش مەركىزىنى ئۆز ئىچىگە ئالىدۇ.

بۇ خىل مۇلازىمەت،كومۇنانىڭ ئاممىۋى ساغلاملىق خىزمەتلىرىدە ھالقىلىق رول ئۇيناش بىلەن بىرگە،روھى، جىسمانى ۋە ئىجتىمائى ساھەلەردە سالامەتلىكنى ئىلگىرى سۈرۈش ۋە كېسەللىكنىڭ ئالدىنى ئېلىش خىزمەتلىرىنى ئىشلەيدۇ. بۇنداق خىزمەت،يېتەكچىلىك قىلىش، سالامەتلەك تەكشۈرۈش،ۋاكسىنىلاش،كۈزۈتۈش ھەمدە، ئېھتىياج بولغان تەقدىردە باشقا داۋالاش ئورۇنلىرىغا يوللاش قاتارلىق ئىشلارنى ئۆز ئىچىگە ئالىدۇ.