Shaqada

Shaqada iyo Daryeelka

In dadka inta badan ay shaqeeyaan waxay dhalinaysaa in dawladda iyo degmooyinku helaan canshuur badan. Waana mid u wanaagsan bulshada meelo badan:

  • In lacag badan loo helo iskuulaadka, caafimaadka, jidadka iwm.
  • Waxaan helnaa lacag lacag badan si aan u sii wanaajinno dheefta daryeelka.
  • Kharashka dawladda ka baxayaana wuu yaraadaa (in yar ayaa u baahanaysa lacagta shaqo la’aanta, caydha, lacagaha caymiska qaranku bixiyo, iyo kuwo kale).

Ilaa dhammaadkii 1960-dii Norway waxa ay ahayd qaran-shidaal. Qaran-shidaal waa dhul ay warshadaynta shidaalka iyo gaastu ay ganacsi muhiim ah u yihiin.

Dakhliga dawladda ee wax-soo-saarka gaasta iyo shidaalka waa qayb ka mid ah lacagta lagu bixiyo daryeelka bulshada. Qiyaastii afar meelood meel ahaan ayuu dakhligani daboolaa lacagta lagu bixiyo daryeelka bulshada. Kharashka kale ee dawladu ku daboosho baahida wuxuu ka soo galaa cashuurta iyo khidmadaha kale.

Bulshda oo kaliya kama faa’iidayaan in dadka oo dhan ay shaqeeyaan. Dadka inta badan waxay u arkaan in qofku shaqo tago ay tahay wax fiican.

Shaqada waxaad ka helaysaa:

  • Fursad dhaqaalo
  • Inaad isku filnaato iyo inaad mehriyad wanaagsan leedahay maalin walba
  • Inaad bulshada dhexdeeda sharaf ku yeelato iyo inaad xiriir la leedahay bulshada
  • Fursad inaad isticmaashid qibradaada iyo waayo aragnimadaada
  • Fursad inaad dareentid inaad bulshada wax ku kodhinaysid iyo inaad dareentid inaad tahay qof wax faa`iidaynaya.

Wax sax ah

Raisulwasaare Jens Stoltenberg wuxuu ku sheegay qudbadiisii sanadka cusub ee bisha janaayo 2011: Waxaan ku noolnahay qof walba shaqadiisa. Haddii ay dad badan shaqeeyaan, daryeelkuna wuxuu kordhayaa.»

Daqliga

Daqliga ugu muhiimsan ee soo gala dawladda iyo Degmooyinka waa canshuurta iyo canshuuraha kale gedisan ee ganacsiga. Dawladda iyo degmooyinkuba waxay canshuurta ka helaan sharikadaha iyo shaqsiyaadka shaqeeya. .

Xaaladda shaqada Noorway

Haddii aad doonaysid macluumaad dheeri oo ku saabsan habka shaqada ee Noorway waxaad ka aqrisan kartaa websaydkan kompetansenorge.no.