دامەزران

کار و ئاسوودەژیان

کاتێک کە زۆرترینمان کاری بە مووچە بکەین، واتە داهاتی باجی زیاتر بۆ دەوڵەت و شارەوانییەکان پەیدا دەکەین. ئەمەش لە زۆر لایەنەوە شتێکی باشە بۆ کۆمەڵگە.

  • پارەیەکی زیاتر بۆ قوتابخانە، کەرتی تەندروستی، ڕێگاوبان … تاد دابین دەبێت.
  • پارەمان دەست دەکەوێت بۆ ئەوەی خزمەتگوزارییەکانی خۆشگوزەرانی باشتر بکرێت.
  • مەسرەفی حکومەت کەم دەبێتەوە ( ژمارەیەکی کەمتر پێوستییان بە هاوکاری دارایی هەیە بەهۆی کەم بونەوەی ژمارەی ئەوانەی کە بێکارن، هاوکاری سۆسیال وەردەگرن، پارەی بیمە وەردەگرن…. هتد.).

لە کۆتایی ساڵانی شەستەکانەوە نەرویج بۆتە وڵاتێکی خاوەن نەوت. وڵاتێکی خاوەن نەوت وڵاتێکە کە نەوت و پیشەسازیی نەوت سەرچاوەیەکی گرنگە.

وڵاتی نەرویج قازانجێکی زۆری لە هەناردەکردنی نەوت و گاز دەست دەکەوێت

داهاتەکانی نەوت و بەرهەمەکانی گاز بەشێکن لەو خەرجیانەی سەرف دەکرێن بۆ خۆشگوزەرانی کۆمەڵگە. نزیکەی چواریەکی خەرجییەکانی گشتی لەم داهاتانە دەدرێت. باقی خەرجییەکانی تری گشتی لە باج و میرانە دابین دەکرێت.

دەبێت ئەوەش بزانین کە ئەوە تەنها کۆمەڵگە نییە کە سوودمەند دەبێت لەوەی کە ئێمە کار دەکەین. بەڵکوو بۆ کەسی ئیشکەر شتێکی زۆرباشە کە کارێکی هەبێت.

کارکردن دەتوانێت ئەم شتانەمانە پێ ببەخشێت:

  • دەرفەتی ئابوری
  • سەربەخۆیی و ژیانێکی ڕۆژانەی پر مانا
  • پێگەی کۆمەڵایەتی و پەیوەندی کۆمەڵایەتی
  • دەرفەتی بەکارهێنانی توانا و شارەزاییەکان
  • دەرفەتێکە بۆ بەشداری کردن و بەخشینمان بۆ کۆمەڵگە و هەستکردن بەوەی کەسێکی سوودبەخشین.

ڕاستیەکان