دامەزران

مافەکان و ئەرکەکانی دامەزران

ژیانی کار لە نەرویج بەهۆی گەلێک یاسا و ڕێکەوتننامە بەڕێوە دەچێت، بۆ نموونە یاسای ژینگەی کار و یاسای پشووەکان.

سیاسەتمەداران لە پەرلەمان بڕیار لەسەر یاساکان دەدەن، بەڵام خاوەن کار و کارمەندان لە ڕێگای ڕێکخراوە پیشەییەکانیانەوە ڕێکەوتنەکان دەکەن.

یاساکان هەموو کرێکاران و خاوەنکاران دەگرێتەوە، بەڵام ڕێکەوتنەکان تەنها چەند گرووپە کارێکی دیاریکراو دەگرێتەوە.

هەندێک نموونە لەو مافانەی بەیاسا بڕیاریان لەسەر دراوە:

  • هەموو کرێکاران لە نەرویج مافی گرێبەستی کاریان هەیە. لە گرێبەستەکەدا دەبێت ئاماژە بە ڕێکەوتن لەسەر مووچە و کاتی کارکردنی تێدابێت.
  • هەفتەیەکی ئاسایی کارکردن بریتییە لە سی وحەوت سەعات و نیو کارکردن.
  • کرێکاران لە نەرویج بەلایەنی کەمەوە لە ساڵێکدا مافی بیستوپێنج ڕۆژ پشوویان لە ڕۆژە ئاساییەکاندا هەیە.
  • کرێکاران لە نەرویج مافیان هەیە کە لە کاتی نەخۆشکەوتنی خۆیان یان منداڵەکانیاندا چەند ڕۆژێک نەچن بۆ سەرکار و مووچەی تەواویان وەربگرن.
  • ئەو کرێکارانەی منداڵیان دەبێت، مافیان هەیە مۆڵەتی بە مووچە وەربگرن.

ڕاستیەکان

یاسای ژینگەی کار

یاسای ژینگەی کار یاسایەکی گرنگە کە تایبەتە بە سەرجەم کارکەر و کارمەندانی نەرویج. پێویستە هەموو خاوەنکاران و کارمەندان پابەند بن بەم یاسایەوە. یاسای ژینگەی کار ئەمانە دەگرێتەوە:

  • دامەزراندنی کارمەندان و گرێبەستی کار
  • کاتی کارکردن
  • ئامادەنەبوون لەسەر کار
  • تەندروستی، ژینگە و سەلامەتیی کارکردن (HMS)
    • خاوەنکار بەرپرسیارێتیی سەرەکیی دەکەوێتە سەرشان بۆ ژینگەی کارکردن، لەکاتێکدا کە کەسی کارمەندیش بەرپرسیارێتیی هەیە لە:

    • دابینکردنی ژینگەیەکی باش بۆ کارکردن
    • هاوکار بێت لە ئەنجامدانی ئەو بڕیارانەی خراونەتە بواری جێبەجێکردنەوە بۆ باشترکردنی کەش و ژینگەی کارکردن.
    • بەشداریکردن لەو پاراستنە – و ژینگەی کارەی کە لە کۆمپانیاکەدا ڕێکخراوە.

    لە یاسای ژینگەی کارەوە

    یاسای پشوو

    بۆ نموونە لەم یاسایەدا هاتووە

    • هەر کارمەندێک مافی هەیە چەند پشوو وەربگرێت
    • پشووەکە دەبێت کەی وەربگیرێت
    • پشوو لە کاتی لەدەستدانی کاردا
    • کاری تازە و پشوو
    • نەخۆشکەوتن لەکاتی پشوودا

    یاسای پشوو بە “یاسای کەمترین” ناودەبرێت. ئەمەش بە مانای ئەوە دێت کە هەندێک لە کارمەندان دەشێت ڕێکەوتن و گرێبەستێکی باشتریان هەبێت لەوەی لە یاساکەدا هاتووە، بەڵام نابێت کەس لەوە خراپتری هەبێت