ئىش ھاياتى

ئىش ھاياتىدىكى ھوقۇق ۋە مەجبۇرىيەتلەر

نورۋېگىيەدىكى ئىش ھاياتى،ئەمگەك مۇھىتى قانۇنى،دەم ئېلىش قانۇنى قاتارلىق نۇرغۇن قانۇن ۋە كېلىشىملەر ئارقىلىق ئىدارە قىلىنىدۇ.

قانۇننى پارلامېتتىكى سىياسەتچىلەر ماقۇللايدۇ،لېكىن،ئىش بەرگۈچىلەر ۋە ئەمگەكچىلەر ئۆلىرىنىڭ كەسپى ئۇيۇشمىلىرى ئارقىلىق تۈزۈلگەن كېلىشىملەردە بىرلىككە كەلگەن بۇلۇشى كېرەك.

قانۇنلار،بارلىق ئىش بەرگۈچىلەر ۋە ئىشلەۋاتقانلارغا ئائىت. كېلىشىملەر بولسا،مەلۇم بىر كەسپى ساھەدىكىلەرگىلا ئالاقىدار بۇلۇدۇ.

قانۇندا بېكىتىلگەن ھوقۇقلاردىن مىساللار:

  • نورۋېگىيەدىكى بارلىق خىزمەتچىلەر بىر ئىش توختامنامىسىغا ئىگە بۇلۇشقا ھوقۇقلۇق. ئىش توختامنامىسى كېلىشىلگەن مۇئاش ۋە ئىش ۋاقتىنى ئۆز ئىچىگە ئالىدۇ.
  • بىر نورمال ئىش ھەپتىسى 37،5 سائەت.
  • نورۋېگىيەدىكى ئىشچى- خىزمەتچىلەر بىر يىلدا كەمىدە 25 كۈن دەم ئېلىشقا ھۇقۇقلۇق.
  • نورۋېگىيەدىكى ئىشچى- خىزمەتچىلەر،ئۆزى ياكى بالىسى ئاغرىپ قالغاندا مەلۇم ساناقلىق كۈنلەر مۇئاش ئېلىپ تۇرۇپ، ئىشقا كەلمەسلىككە ھۇقۇقلۇق.
  • ئىشچى- خىزمەتچىلەر بالىلىق بولغاندا، مۇئاش ئېلىپ تۇرۇپ رۇخسەت سوراشقا ھۇقۇقلۇق.

پاكىتلار

ئەمگەك مۇھىتى قانۇنى

بۇ بىر مۇھىم قانۇنى،نورۋېگىيەدىكى بارلىق ئەمگەكچىلەرگە ئائىت بولغان مۇھىم قانۇندۇر. بارلىق ئىش بەرگۈچىلەر ۋە ئىشچى- خىزمەتچىلەر بۇ قانۇنغا بوي سۇنۇشى كېرەك. ئەمگەك مۇھىتى قانۇنى، مەسىلەن،تۆۋەندىكىدەك ئىشلارغا ئالاقىدار بۇلۇدۇ:

  • خىزمەتكە قۇبۇل قىلىنىش ۋە خزمەت توختامنامىسى
  • خىزمەت ۋاقتى
  • ئىش قالدۇرۇش مەسىلىسى
  • سالامەتلىك،مۇھىت ۋە بىخەتەرلىك(HMS)
  • ئىش ئورنىدىكى خىزمەت مۇھىتىغا بولغان ئاساسى مەسئۇليەتنى ئىش بەرگۈچى ئۈستىگە ئالىدۇ، ئەمما، خىزمەتچى تۆۋەندىكىلەرگە مەسئۇل بۇلۇدۇ:
  • بىر ياخشى خىزمەت مۇھىتى يارىتىش
  • خىزمەت مۇھىتىىنى ياخشىلاش ئۈچۈن تەدبىر تۈزۈشكە قاتنىشىش ۋە تۈزۈلپ يولغا قويۇلغان تەدبىرلەرنى ئىجرا قىلىش
  • شىركەت(خىزمەت ئۇرنى)دا تەشكىل قىلىنغان،مۇھاپىزەت قىلىش ۋە مۇھىت خىزمەتلىرىگە قاتنىشىش

ئەمگەك مۇھىتى قانۇنىدىن ئۈزۈندىلەر

تەتىل(دەم ئېلىش) قانۇنى

تۆۋەندىكىدەك ئىشلار ئۈستىدە توختىلىدۇ

  • ئادەم قانچىلىك ۋاقىت تەتىل ئېلىشقا ھۇقۇقلۇق
  • تەتىلنى قاچان ئېلىش
  • ئىشتىن قېلىش ۋاقتىدىكى تەتىل
  • يېڭى خىزمەت ۋە تەتىل قىلىش
  • تەتىل ئالغان مەزگىلدىكى كېسەللىك

تەتىل قانۇنى بىر تۈرلۈك،ئەڭ تۆۋەن ئۆلچەمدىكى قانۇن. بۇ دىگەنلىك،بەزى خىزمەتچىلەر قانۇندا بەلگۈلەنگەندىمۇ ياخشىراق توختامغا ئېرىشەلەيدۇ،لېكىن،ھىچكىمنىڭ قانۇندا بىكىتىلگەندىكىدىن ناچار بولمايدۇ.