پەروەردە و فێربوون

باخچەی ساوا بەشێکە لە بەرنامەی پەروەردە

Barn og voksen i barnehage

منداڵان لە باخچەی منداڵان زۆر شت فێر دەبن:

  • ئەزموونی تێکەڵاوبوون لەگەڵ منداڵانی تر فێردەبن.
  • فێری تێگەیشتن و مامەڵەکردن لەگەڵ منداڵانی تر دەبن.
  • زیاتر سەربەخۆ دەبن.
  • فێری زانیاریی فاکتایی زۆر دەبن.
  • باشتر ئامادە دەکرێن بۆ چوونە قوتابخانە..

کارمەندان کاتێکی زۆر بەکاردەهێنن بۆ دانانی پلان سەبارەت بەو شتانەی کە دەبێت منداڵان لە باخچەی منداڵان فێری بن.
لە کاتی دانانی پلانی ئەو چالاکییانەدا، دەبێت پشت بە یاسای باخچەی منداڵان و یاسا و ڕێساکانی تر ببەستن کە لەلایەن حکومەتەوە بڕیاریان لەسەر دراوە.
دایک و باوکان لەبارەی ئامانجەکانی کارکردن لە باخچەی منداڵان و ئەو چالاکییانەی کە منداڵەکانیان بەشدارییان تێدادەکەن زانیارییان لە باخچەی منداڵانەوە پێدەگات.

لە باخچەی منداڵان یاریکردنی لە حەوشەی باخچەی منداڵان

دایک و باوکان بۆ کۆبوونەوەی گشتی دایک و باوکان و کۆبوونەوەی تایبەتیش بە منداڵەکەیان بانگهێشت دەکرێن. لەم کۆبوونەوانەدا دایک و باوکان یەکتری دەناسن و ئاشنایەتی پەیدا دەکەن، و لەبارەی گەورەکردنی منداڵ پێکەوە قسە دەکەن. ئەو دایک و باوکانەی کە ناتوانن بە زمانی نەرویجی قسە بکەن مافیان هەیە کە بۆ کۆبوونەوەکانی دایک و باوکان وەرگێڕی زارەکییان بۆ دابین بکرێت.

دابینکردنی دارایی

پەرلەمان ساڵانە بەرزترین ڕادەی نرخی باخچەی منداڵان لە نەرویج دیاری دەکات کە پێی دەڵێن دوانرخ (makspris). نابێت هیچ دایک و باوکێک زیاتر لەو بڕە پارەیە بدەن کە دیاریکراوە. ئەمەش هەم باخچەی منداڵانی ئەهلی/پریڤات وهەم باخچەی منداڵانی شارەوانی دەگرێتەوە. بەڵام دەشێت مەسرەفی خواردن، سەفەر و شتی تری بێتە سەر.

دەتوانیت لەم لینکە زیاتر بخوێنیتەوە. http://www.udir.no/regelverk-og-tilsyn/barnehage/foreldrebetaling

بڕی ئەو پارەیەی بۆ جێگەی منداڵ لە باخچەی منداڵان دەدرێت، لە شارەوانییەکەوە بۆ شارەوانییەکی تر دەگۆڕێت. لە هەندێک لە شارەوانییەکان، ئەو خێزانانەی کە داهاتیان کەمە، دەتوانن داوای کەمکردنەوەی بڕەپارەی مانگانەی باخچەی منداڵان بکەن، بەڵام لە هەندێک شارەوانی تر هەموو دایک و باوکان دەبێت هەمان بڕەپارە بدەن، بەبێ ڕەچاوکردنی داهاتی خێزانەکە. لە هەندێک لە شارەوانییەکان، داشکاندن دەکەن ئەگەر خێزانانەکە زیاتر لە منداڵێکی هەبێت لە هەمان باخچەی منداڵان. بەڵام لە هەندێک شارەوانی تردا ئەم بڕیارە نیە و داشکان ناکرێت.

 

ڕاستیەکان

باخچەی منداڵان

باخچەی منداڵان بەزۆر نییە، بەڵام زۆرینەی منداڵان لە نەرویج پێش ئەوەی دەست بە قوتابخانە بکەن دەچنە باخچەی منداڵان. زیاتر ٩٠ لە سەدی کۆی منداڵانی نێوان تەمەنی یەک و پێنج ساڵی دەچنە باخچە منداڵان.

باخچەی منداڵان دەبێت پەیڕەوی ئەو شتانە بکات کە لە یاسای باخچەی منداڵاندا هاتووە. بۆیە لە کاتی دانانی پلانی چالاکییەکان، کارمەندان دەبێت پشت بە یاسای باخچەی منداڵان ببەستن.

ناردنی منداڵ بۆ باخچەی منداڵان بەخۆڕایی نییە. هەموو مانگێک دایک و باوکان بەشە پارەی خۆیی دەدەن، بەڵام بەشەکەی تری نرخە ڕاسەقینەکەی جێگاکە حکومەت دەیدات.