ትምህርትና የሙያ ማረጋገጫ

የትምህርት ቤት መሰረታዊ ውጤቶች

Aktiv elev

እኩልነት እና የእኩል ክቡርነት እና ግለሰቦች የራሳቸውን ምርጫ የማድረግ ነፃነት የኖርዌይ ህብረተሰብ መሠረታዊ እሴቶች ናቸው። እነዚህ እሴቶች በትምህርት ውስጥም አስፈላጊ ናቸዉ። በትምህርት ቤት የሚሰጡ ትምህርቶችና የተለያዩ እንቅስቃሴዎች ሁሉም ሰዎች እኩል ዋጋ እንዳላቸው ተማሪዎቻቸዉን ማስተማር አለባቸዉ። በተጨማሪም ተማሪዎች በዕለት ተዕለት የትምህርት ቤት ህይወታቸው ላይ ተፅዕኖ መፍጠር የሚችሉበትን ዕድል መጠቀምና ለትምህርታቸው ኃላፊነት መውሰድን ከልጅነታቸው ጀምሮ መማር አለባቸው። ትምህርት ቤቶች በበኩላቸው የእያንዳንዱን ተማሪ ደረጃ የሚመጥን ትምህርትና ሥልጠና የመስጠት ኃላፊነት አለባቸው።

የትምህርት ቤት ግብ ጥሩ ማህበራዊና ትምህርት ክህሎቶች ያሉት ራሱን ችሎ የሚያስብ ተማሪ ማፍራት ነው።

በዘመናዊ ዲሞክራሲ ዉስጥ ዜጐች ዕውቀት እና ነፃ አስተሳበብ እንዲኖራቸው ከማስፈለጉ በተጨማሪ በሥራ መስክና በማህበራዊ ህይወት በንቃት መሳተፍ ይጠበቅባቸዋል። ትምህርት ቤቱ ተማሪዎች ጥሩ የሆነ ጠቅላላ ዕውቀት እንዲኖራቸው ያደርጋል። ይህ ማለት ተማሪዎች ስለ ብዙ የተለያዩ አርእስተ ጉዳዮች ይማራሉ። ቋንቋ፣ ሒሳብ እና ስለህብረተሰብና ስለአካባቢያቸው ይማራሉ።

ትምህርት ቤት ለልጆች ጥሩ ጠቅላላ ዕውቀት ከማስጨበጥ በተጨማሪ ሌሎች በርካታ ኃላፊነቶች አሉበት። ለምሳሌ ልጆችን የሚከተሉትን ነገሮች ማስተማር ያስፈልጋል፡-

  • መረጃ መፈለግና ያገኙትን መረጃ በጥልቀት ማጤንና መመርመር
  • መረጃን በመጠቀም እና የግል ግምጋሜን በመውሰድ የራሳቸውን ሃሳብ እንዲያመነጩ ማድረግ
  • ለሃሳባቸው መከራከር መቻልን

Ungdomsskuleelevar

በትምህርት ቤት የሚሰጥ ትምህርት ዓላማ
(የትምህርት አዋጅ)

  • ትምህርት ቤቶች እና ተለማማጅ አስተማሪ ድርጅቶች ከወላጆች ጋር በመተባበር ለዓለምና ለወደፊት ተስፋ በሮችን ክፍት ማድረግ እና እንዲሁም ታሪካዊና ባህላዊ መሠረትና ግንዛቤን በተማሪዎች ውስጥ ማስረፅ ይኖርባቸዋል።
  • በመሠረታዊ የክርስትና እሴቶች እንዲሁም በሰብዓዊ ልምዶችና ቅርሶች ላይ በመመርኮዝ ለምሳሌ ለሰው ልጅ ክብርና ለተፈጥሮ ዋጋ መስጠትን፣ የአስተሳሰብ ነፃነትን፣ ሰብዓዊነትን፣ ይቅር ባይነትን፣ የእኩል ክቡርነት እና አንድነትን እንዲሁም በሰብዓዊ መብቶቹ ላይ የሰፈሩ በተለያዩ ሃይማኖቶችና ርእዮተ አለም አስተሳስቦች ላይ የሚንጸባረቁ እሴቶችን ይበልጥ ማጐልበት ይኖርበታል።
  • በብሔራዊ የባህል ቅርሶችና ከሌሎች ጋር በምንጋራቸው ዓለም አቀፍ ባህላዊ ልማዶች ላይ ያለንን ዕውቀትና ግንዛቤ እንዲሰፋ አስተዋጽዖ ማድረግ ይኖርበታል።
  • የባህል ብዝሃነትን ግንዛቤ ማስጨበጥ እና የእያንዳንዱን ሰው እምነት ማክበር ይኖርበታል። ዲሞክራሲን፣ እኩልነትንና ሳይንሳዊ አስተሳሰብን ማስፋፋት ይኖርበታል።
  • ተማሪዎች እና ተለማማጅ ሰራተኞች

መረጃ

ትምህርት ቤት፣

  • ችሎታዎቻቸውንና ተሰጥኦዎቻቸዉን በግልም ሆነ በጋራ እንዲያሳድጉ ለሁሉም ተማሪዎች እኩል ዕድል መስጠት
  • የተማሪዎችን የመማር ፍላጐት፣ ቁርጠኝነትና የማወቅ ጉጉት ማነቃቃት
  • ተማሪዎች የራሳቸውን የመማር ዘዴ እንዲቀይሱና በጥልቀት የማሰብ ክህሎት እንዲያሳድጉ ማነቃቃት
  • ተማሪዎች የግል ዕድገት እንዲያደርጉና ማንነታቸውን እንዲጠናከር፣ ሥነ-ምግባራዊ፣ ማህበራዊና የባህል ብቃታቸው እንዲያደግ፣ የዲሞክራሲ ግንዛቤና ዲሞክራሲያዊ ተሳትፎ እንዲያደርጉ ማነቃቃት
  • የተማሪ አስተዋጽኦ እንዲኖር እንዲሁም ተማሪዎች በጥልቀት የታሰበበት የእሴት ምርጫን ጨምሮ የትምህርትና የወደፊት ሙያ ምርጫ እንዲያደርጉ የሚረዳ የተመቻቸ ሁኔታ መፍጠር
  • የተመቻቸ ትምህርት እና የተለያየ አሰራር ዘዴን ማራመድ
  • የእያንዳንዱ መምህር ብቃት ማነቃቃት፣ መጠቀም እና ማሳዳግ
  • መምህራን እና አሰልጣኞች ለልጆችና ታዳጊ ወጣቶች ጉልህ መሪዎች እና ተምሳሌቶች እንዲሆኑ አስተዋጾ ማድረግ
  • የአካላዊ እና የማህበረ-ስነ ልቦናዊ የመማር ማስተማር ስራው ጤናን፣ ምቾትንና መማርን የሚያበረታታ እንዲሆን ማድረግ
  • ከወላጆች ጋር ተባብሮ መሥራት እንዲኖር እንዲሁም ከትምህርት ቤቱ የጋር ኃላፊነትን እንዲወስዱ የሚረዳ የተመቻቸ ሁኔታ መፍጠር
  • የአካባቢው ማህበረሰብ በመማር ማስተማሩ ላይ አግባባዊ ተሳትፎ እንዲኖረው የሚረዱ ሁኔታዎች መፍጠር