تعلیم اورقابلیت

بالغ اور تعلیم

Foto fra et norskkurs

معاشرہ ہروقت تبدیل ہوتا رہتا ہے۔ ہمیشہ نئی ٹیکنالوجی آ تی رہتی ہے اور روزگار کی زندگی پراس کے نتائج سامنے آتے ہیں۔ یہ کام کرنے والوں سے باخبر رہنے اور نئی محارتوں کے سیکھنے کا تقاضا کرتےہیں ۔

بالغ افراد کوئی بالکل نئی تعلیم حاصل کر سکتے ہیں، پہلی تعلیم میں اضافہ کر سکتے ہیں یا کام کی زندگی میں نئے تقاضوں کے مطابق ابتدائی سکول کا کوئی مضمون پڑھ سکتے ہیں۔

مختلف ادارے بالغوں کے لیےمختلف کورسوں کا اہتمام کرتے ہیں۔ یہ کوئی مشغلہ ، زبان اور تربیّتی کورس ہو سکتا ہے۔ ریاست ا کثر ایسے کورسز کی جزوی مالی مدد کرتی ہے۔

بلدیہ بنیادی سکول کی تعلیم کی ذمہ دار ہے اور ضلعی بلدیہ بالغوں کی ثانوی تعلیم کی ذمہ دار ہے۔ وہ بالغ افراد جو بنیادی اور ثانوی تعلیم کا حق رکھتے ہیں ان کے لیے یہ تعلیم مفت ہے۔ بہت سے نجی سکول بھی بالغوں کوثانوی تعلیم دیتے ہیں۔

ناو سے روزگارڈھونڈنے والوں کو مختلف کورسز کی پیشکش ہوسکتی NA‎ ہے ۔اس کا مقصد کورسز میں حصہ لینے والوں کی کسی کام کے لیے تربیت کرناہے۔ ناو اخرجات کی ادائیگی کرتا ہے اور اکثر ایسے کورسز کے شرکاء کو ایسے کورس میں حصّہ لینے کے پیسے بھی ادا کرتا ہے۔

حقائق

بالغوں کا ابتدائی سکول کی تعلیم کا حق

جو بالغ افراد ابتدائی سکول کی تعلیم حاصل کرنا چاہیں وہ اس کا حق رکھتے ہیں۔ تعلیم مفت ہے۔ بلدیہ اس بارے میں مزید معلومات دے سکتی ہے۔

بالغوں کا ثانوی تعلیم کا حق

جو بالغ افراد ابتدائی سکول کی تعلیم حاصل کر چکے ہوں لیکن ثانوی تعلیم مکمل نہ کی ہو وہ ثانوی تعلیم کا حق رکھتے ہیں۔ اس کی ذمہ دار ضلعی بلدیہ ہے۔

غیر ملکی تعلیم کی منظوری

اگر آپ نے ناروے سے باہر کوئی پیشہ وارانہ تعلیم حاصل کی ہے مگر اس کی سنَد نہیں رکھتے تو آپ پیشے کا ٹیسٹ/امتحان کے ذریعے اپنی قابلیت دکھا سکتے ہیں۔ پیشے کا ٹیسٹ/امتحان ثانوی سکول کی سطح کا جائزہ لینے اور اسے تسلیم کرنے کا ایک طریقہ ہے ،لیکن ایسا بھی ہو سکتا ہے کہ آپ نے کسی پیشہ کی تربیت سکول میں گئے بغیر بھی حاصل کر لی ہو۔ اس بارے میں مزید معلومات اس نیٹ صفحہ پر د یکھ www.nokut.no سکتے ہیں۔