ትምህርትና የሙያ ማረጋገጫ

ታሪካዊ አመጣጥ

ኖርዌይ ረጅም የመማር-ማስተማር ታሪክ አላት። በ1700ዎቹ የሃገሪቱ የኢኮኖሚ ሁኔታ እጅግ በጣም ደካማ ነበር። ይሁን እንጂ የትምህርት አስፈላጊነት ስለታመነበት ሁሉም ልጆች ትምህርት ቤት ገብተው እንዲማሩና መንግሥት የትምህርት ክፍያን እንዲሸፍን ተወሰነ።

Guteklasse, 1885 Jenteskule, 1895

  • ከ18ኛው ክፍለ ዘመን የመጀመሪያ አጋማሽ ጀምሮ ለሁሉም ወንድና ሴት ልጆች ትምህርትን በነፃ መማር ግዴታ ሆነ። ይህም እያንዳንዱ ሰው የማንበብ ችሎታ ኖሮት መፅሐፍ ቅዱስን በራሱ ማጥናት እንዲችል የታሰበ ነበር። በተጨማሪም ሁሉም ልጆች ስለክርስትና ትምህርት ማግኘት ነበረባቸው።
  • በዚያን ጊዜ በየቀኑ ወደ ትምህርት ቤት መሄድ የተለመደ አልነበረም። ብዙ ልጆች ወደ ትምህርት ቤት የሚሄዱት በሁለት ቀን አንዴ ወይም በዓመት ውስጥ ለጥቂት ሣምንታት ብቻ ነበር።
  • ትምህርት ቤቶች ቀስ በቀስ ተጨማሪ የትምህርት ዓይነቶች መስጠት ጀመሩ። ለምሳሌ መፃፍ፣ ሂሳብ እና ሙዚቃ በ1800ዎቹ መጀመሪያ ላይ የግድ የሚወሰዱ የትምህርት ዓይነቶች ነበሩ።
  • በ1936 ሁሉም ልጆች ቢያንስ ለሰባት ዓመታት ትምህርት ቤት ገብተው መማር እንዳለባቸው ተወሰነ። ከ1997 ጀምሮ ደግሞ የግዴታ ትምህርት አሥር ዓመታት ሆኗል።
  • በተለያዩ ትምህርት ቤቶች አገልግሎት ላይ የሚውሉ ሥርዓተ ትምህርቶች (ካሪኩለሞች) በተወካዮች ምክር ቤት ይፀድቃሉ። በመሆኑም በየትኛውም የሃገሪቱ ክፍል የሚገኙ ትምህርት ቤቶች አንድ ዓይነት ትምህርት ያስተምራሉ ማለት ነው።

መረጃ

ታሪካዊ እድገት

1739: የመጀመሪያዉ የትምህርት ቤት ህግ። ክርስትና እምነትና ማንበብ የግዳጅ ትምህርት ነበሩ።

1827: አዲስ የትምህርት ቤት ህግ ወጣ። መጻፍና ማስላት የግዳጅ ትምህርቶች ሆኑ።

1936: ትምህርት ቤቶች ራሳችዉን የቻሉ ሆነዉ መመደብ ጀመሩ።

1969: የ9 ዓመት የአንደኛ ደረጃ ትምህርት ግዳጅ ሆነ።

1997: የ10 ዓመት የአንደኛ ደረጃ ትምህርት ግዳጅ ሆነ።

የትምህርት ቤት ይዘት

ላለፉት 300 ዓመታት ትምህርት ቤት ግዳጅ ከሆነበት ጊዜ አንስቶ የትምህርት ቤት ይዘቱ ተቀይሯል። በ17ኛው መቶ ክፍለ ዘመን ዋናዉ የትምህርቱ ዓላማ ተማሪዎቹ የክርስትናን እምነት እንዲማሩ ነበር። በኋላ ትምህርት በቤት የተለያዩ እንደ መጻፍ፣ ማስላት፣ ምግብ መስራት፣ ማጣበቅና አናጺነት ተግባራዊ ትምህርቶች ይሰጡ ጀመር።

መረጃ

ዛሬ መረጃዎችን ማግኘት ቀላል ነዉ። ልጆች ከልጅነታቸው ጀምረዉ ኮምፒውተርና ኢንተርኔት ይጠቀማሉ። ልጆችን እንዴት ትክክለኛ መረጃ ማግኘት እንደሚቻልና የሚያገኙትን መረጃ እንዲገመግሙት ማስተማር አስፈላጊ ነው። ልጆች ራስን መቻል ይማራሉ። ፈልገው የሚያገኙትን ማስረጃ የተለያዩ ጥያቄዎችን ለመመለስና ከሌሎች ጋር አብሮ መስራትን ለመማር ይጠቀሙበታል። በተጨማሪም ተጨባጭ ነገሮችንና እንደ ማንበብ፣ መጻፍና ሂሳብ ያሉ መሰረታዊ የሆኑ እዉቀቶችን ለመቅሰም ይጠቀሙበታል።