مافی هەبوونی وەرگێڕی زارەکی

مافی هەبوونی وەرگێڕی زارەکی

ئەوانەی تازە دێنە نەرویج، پەیوەندی بە گەلێک فەرمانگە و دەزگای فەرمییەوە دەکەن. بۆ نموونە فەرمانگەی تۆمارکردن، فەرمانگەی باخچەی منداڵان، سەنتەری دکتۆرەکان، فەرمانگەی باج و ناڤ (Nav).

لێرەدا کەمێک زیاتر لەبارەیانەوە دەدوێین

 گرنگە بزانیت کە کاری فەرمانگە جۆراوجۆرەکان چین و بە چ شێوەیەک شوێنەکانیان دەدۆزیتەوە. زۆر لە پەیوەندی و داواکارییەکان لەگەڵ دەزگا فەرمییەکاندا لەڕێی ئینتەرنێتەوەیە. دەتوانرێت گەلێک فۆرم لە ئینتەرنێتەوە بدۆزرێتەوە و لەڕێگەی ماڵپەرەکانیانەوە زانیارییەکی زۆر لەبارەی هەر یەکێک لەو شوێنانەوە بخوێنتتەوە.

فەرمانگەی باج فەرمانگەی باج کاری مسۆگەرکردن و دڵنیابوونە لەوەی باج و میرانە و ڕسوماتەکان دەدرێن. کاتێک تۆ لە نەرویج کار دەکەیت، پێویستیت بە کارتی باج هەیە. کاتێک یەکەم جار پێوستیت بە کارتی باج دەبێت، پێوستە لە ڵاپەڕەی http://www.skatteetaten.no داوای بکەیت، پاشان ڕاستەوخۆ بۆ خاوەنکارەکەت دەچیت. ئەم کارتەش دیاری دەکات کە دەبێت مانگانە چەند بڕە پارەی باج لە موچەی مانگانەت ببردرێت.

فەرمانگەی تۆمارکردن بەشێکە لە فەرمانگەی باج. ئەوە تۆمارکردنێکی گشتییە کە سەرجەم ئەو کەسانە تۆمار دەکات کە لە نەرویجدا دەژین یان ژیاون. هەر کەسێک ناونیشانی نیشتەجێبوونی خۆی بگۆڕێت دەبێت لە ماوەی هەشت ڕۆژدا فەرمانگەی تۆمارکردن ئاگادار بکاتەوە. ئەوەش دەکرێت لە ڕێگەی ئینتەرنێتەوە بکرێت. هەروەها فەرمانگەی تۆمارکردن بەرپرسیارە لە ناوگۆڕین و پێدانی ژمارەی لەدایکبوون/ژمارەی کەسی (fødselsnummer) و ژمارەی-D (D-nummer). ئەگەر بتەویت هاوسەرگیری بکەیت دەبێت پەیوەندی بە فەرمانگەی تۆمارکردنەوە بکەیت.

ناڤ (Nav) ناڤ (Nav). ناڤ بەرپرسیارێتی ئەم کارانەی هەیە:

  • دەستەبەریی منداڵ (barnetrygd)
  • هاریکاری دارایی نەختینەی منداڵ (kontantstøtte)
  • پارەی نەخۆشی
  • بیمەی بێکاری
  • خانەنشینیی بەهۆی نەخۆشی و پەککەوتەیی (Uføretrygd)
  • خانەنشینی

هەروەها ناڤ خزمەتگوزاری بەوانەش پێشکەش دەکات کە بێکارن. گەلێک کەس دەچن بۆ کۆرس کە ناڤ پارەکەی دەدات و ئامانج لەم کۆرسانە ئەوەیە کە بەشدارانی کۆرسەکە دەست بەکار بکەن.  

مافی هەبوونی وەرگێڕی زمان
لەو کاتانەدا کە هێشتا کۆچبەر فێری نەرویجی نەبووە، دەشێت پێویستی بە بەکارهێنانی وەرگێڕ (موتەرجیم) هەبێت. فەرمانبەرانی گشتی و حکومی بۆ نموونە لە ناڤ، پۆلیس، و کەرتی تەندروستی ئەرکە لەسەریان کە ئەو زانیارییانەی دەیدەن کەسی بەرامبەر لێیان تێبگات. لەبەرئەوە بەکارهێنانی وەرگێڕ مافێکە کە کۆچبەران هەیانە، و دەزگا فەرمییەکان پارەکەی دەدەن.