ሰብኣዊ መሰላት ንኹሉ ሰብ ዝምልከት’ዩ። እዚ መሰላት’ዚ ዘሎና ሰባት ስለ ዝዀንና ደኣ’ምበር - ኣብ ዝተወሰነ ቦታ ስለ ንነብር ወይ ከኣ ኣባላት ሓደ ሃይማኖት ወይ ዓሌታዊ ጕጅለ ስለ ዝዀንና ኣይኰነን። ስለዚ ኢና ድማ ሰብኣዊ መሰላት ኣድማሳዊ እዩ ንብል።

ኣብ 1948 ዓ.ም ኣድማሳዊ ኣዋጅ ሰብኣዊ መሰላት ው.ሕ.ሃ. ተኣዊጁ። ኩላተን እተን 193 ኣባል ሃገራት ውድብ ሕቡራት ሃገራት ነዚ ኣዋጅ’ዚ ተቐቢለኖኦ እየን። ዓበይቲ ክፋላት ኣዋጅ ሰብኣዊ መሰላት ው.ሕ.ሃ. ኣብ ሕግታት ኖርወይ ሰፊሮም እዮም።

ኣዋጅ ሰብኣዊ መሰላት ገለ ካብቲ ዝገልጾ ነገራት፡-

• ኩላቶም ሰባት ሓደ ዓይነት ሰብኣዊ ክብርን ሰብኣዊ መሰላትን ሒዞም፡ ናጻ ኮይኖም እዮም ተወሊዶም።
• ጾታ፡ ሃይማኖት፡ ቀቢላ፡ ፖለቲካዊ ኣረኣእያን ዜግነትን ካልእ ከምዚ ዝኣመሰለ ነገራትን ብዘየገድስ ኩላቶም ሰባት ሓደ ዓይነት ሰብኣዊ መሰላት ኣሎዎም።
• ኩላቶም ሰባት ናጽነትን ውልቃዊ ውሕስነትን ናይ ምርካብ መሰል ኣሎዎም
• ኵሉ ዓይነት ምስቓይ ክልኩል እዩ።
• ኩላቶም ሰባት ግቡእ ናይ ፍርዲ ውሕስነት ክህልዎም ኣለዎም።
• ኩሉ ሰብ ናጻ ዝኾነን ብምስጢር ምድማጽ ዝግበር ምርጫ ብምስታፍ ነቲ ኣብ ሃገሩ ዘሎ ፖለቲካዊ ኵነታት ክጸሉ መሰል ኣሎዎ።

• ነቲ ብ ው.ሕ.ሃ. ዝተኣወጀ ሰብኣዊ መሰላት ትፈልጦዶ፧
• ኣዋጅ ሰብኣዊ መሰላት ኣብ መላእ ዓለም ኣብ ዘሎ ኵነታት መነባብሮ ገለ ጽልዋ ዘለዎ ይመስለካዶ፧
• ኩላተን ኣብ ዓለም ዘለዋ ሃገራት ንኣዋጅ ሰብኣዊ መሰላት ይስዕቦኦ ድየን፧