په ناروې کې هر ډول تاوتریخوالی غیر قانوني دی. ټولنه نه نشي کولی هېڅ ډول تاوتریخوالی وزغمي، لکه د کورنۍ یا نورو نيژدې خپلوانو ترمنځ تاوتریخوالی. د دغه کار لپاره هېڅ ډول بهانه نه شي توجېح کېدی. دا ځکه چې کورنی تاوتریخوالی یوه شخصي مسئله نه ده. ناوړه ټولنیز محدودیتونه هم کېدی شي په تاوتریخوالي کې حساب شي.

د تاوتريخوالي ليدل د ماشومانو لپاره هغه هومره زيان رسونکی خبره ده څومره چې دوی د تاوتریخوالي سره مخ کیږي. لېزبیان، لواطت کاران، همجنس بازان، ایزکان، د جنسیت له اړخه مشکوک کسان او د ټولنې نورغړي ښائي په ځانګړي ډول د یاد تاونریخوالي ښکار شي.

جبري واده او د ښځو سنت کول هم تاوتریخوالی دی او د زغملو وړ نه دی. ټولنه مسؤلیت لري چې د تاوتریخوالي سره د هر مخ کېدونکي شخص ساتنه او پاملرنه وکړي، او ډاډ ترلاسه کړي چې هرڅوک کولی شي په ټولنه کې فعال پاتې شي او په ټولنه کې مدغم شي.

• د کورني تاوتریخوالي او د تاوتریخوالي د نورو ډولونو ترمنځ د پير په اړه بحث وکړئ.
• د کورنیو د نورو غړیو پروړاندې د تاوتریخوالي لامل څه کېدی شي؟
• څه لامل کېدی شي چې يو شخص د یوه داسې مېړه/ښځې سره اوسيدو ته دوام ورکړي کوم چې له تاوتریخوالي څخه کار اخلي؟
• آیا دا ممکنه ده چې په مختلفو هېوادونو کې تاوتريخوالی مختلف ډولونه لري؟
• د کورنۍ د هغو غړیو ژوند څنګه تېرېږي کوم چې په کور کې یې تاوتریخوالی موجود وي؟