ሕግታት ኖርወይ ንዅሉ ዓይነት ምጥቃም ዓመጽ ይኽልክል። እዚ ሕብረተሰብ’ዚ ንዝዀነ ይኹን ዓይነት ዓመጽ፡ ወላ ነቲ ኣብ ውሽጢ ስድራቤት ወይ ካልእ ናይ ቀረባ ርክብ ዘሎዎም ሰባት ኣይቅበሎን’ዩ። እዚ ንዝዀነ ይኹን ጠንቂ እቲ ዓመጽ ብዘየገድስ ዘገልግል’ዩ። ብኻልእ ኣበሃህላ ዘቤታዊ ዓመጽ ብሕታዊ ጕዳይ ኣይኰነን። ኣሉታዊ ማሕበራዊ ምቍጽጻር’ውን ዓመጽ ዘጠቓልል ክኸውን ይኽእል’ዩ።

ንቈልዑ ዓመጽ ክገብር ከሎ ምርኣይ ማዕረ’ቲ ከም ኣብ ልዕለኦም ዝወርድ ዓመጽ ጐዳኢ እዩ። ብፍላይ ጓል ምስ ጓል ወይ ወዲ ምስ ወዲ ስሕበት ዘለዎም፡ ጾታኦም ዘይንጹር ዝኾኑ፡ ካልኦት LHBTIQ+ ሰባትን ንኸምዚ ዝኣመሰለ ዓመጽ ዝተቓልዑ ክዀኑ ይኽእሉ እዮም።

ግዱድ መውስቦን ምኽንሻብ ደቂ’ንስትዮን’ውን ዓመጽ ስለ ዝዀነ ተቐባልነት የብሉን። እዚ ሕብረተሰብ’ዚ ንኹላቶም እቶም ግዳያት ዓመጽ ዝዀኑ ሰባት ክከላኸለሎምን ክጥንቀቐሎምን ሓላፍነት ኣሎዎ። ኵሉ ሰብ ኣብቲ ሕብረተሰብ ከም ዝሳተፍን ከም ዝውህሃድን ምግባር ሓላፍነት ድማ ኣሎዎ።

• ዓመጽ ኣብ መንጎ መቕረብ ዝፍጸምን ካልእ ዓመጻትን ዘሎ ፍልልይ ተመያየጡ።
• ሓደ ሰብ ኣብ ልዕሊ ኻልኦት ኣባላት ስድራቤቱ ዓመጽ ዝፍጽመሉ ምኽንያት እንታይ ኪኸውን ይኽእል፧
• ሓደ ሰብ ምስ ሓደ ዓመጽ ዝፍጽም መጻምድቱ (በዓል/ቲ ሓዳሩ/ሓዳራ) ክነብር ዝቕጽለሉ ምኽንያት እንታይ ክኸውን ይኽእል፧
• ኣብ ዝተፈላለየ ባህልታት ብዛዕባ ዓመጽ ዘሎ ኣረኣእያ ክፈላለ ይኽእል ዶ፧
• ኣብ ሓደ ዓመጽ ዝዝውተረሉ ስድራቤት ዘለዉ ኣባላት ስድራ ቤት ኣብ ከመይ ኵነታት ኣለዉ ይመስለካ፧