የተባበሩት መንግሥታት ድርጅት የሰብአዊ መብት ድንጋጌ እ.ኤ.አ በ1948 ዓ.ም ነበር የተደነገገው፡፡

ማንኛውም ሰው ዕድሜ፣ ዘር፣ የተግባር ችሎታ፣ ጾታ፣ ሃይማኖት እና ጾታዊ ዝንባሌ ሳይለይ ተመሳሳይ መብቶችና እድሎች ሊኖሩት ይገባል።

የመናገር ነፃነት ማለት ስለ ፖለቲካ፣ ሃይማኖት እና ሌሎች ጉዳዮች ያለውን አስተያየት በነፃ መግለጽ፣ ከሌሎች ጋር በነፃነት መወያየት እና ያለ ምንም ቅጣት በነጻነት መፃፍ ማለት ነው። የመናገር ነፃነትን የሚገድቡ አንዳንድ ሕጎች አሉን። ለምሳሌ ሰዎች ዘረኝነትን እና ሌሎች የጥላቻ መግለጫዎችን በቃልም ሆነ በጽሁፍ እንዲናገሩ አይፈቀድላቸውም። የመናገር ነፃነት ለግለሰቦች እና ለሬዲዮ እና ቴሌቪዥን ጣቢያዎች እና ጋዜጦች ላይም ይሠራል።

በዲሞክራሲ ውስጥ ሰዎች በፖለቲካ ምርጫ የመምረጥ መብት አላቸው። በኖርዌይ የመምረጥ እድሜው 18 ዓመት ነው። ምርጫ የሚካሄደው በሚስጥር ድምጽ ነው። ይህ ማለት ግለሰቡ እንዴት ድምጽ እንደሰጠ ሌሎች ሰዎች አያውቁም ማለት ነው። ለጠቅላላ ምርጫ ድምጽ ለመስጠት የኖርዌይ ዜጋ መሆን አለቦት። በአውራጃ እና በኣከባቢ ኣስተዳደር ምርጫዎች ድምጽ ለመስጠት፡ ከምርጫው በፊት ላለፉት ሶስት አመታት በኖርዌይ መኖር አለበዎት።

የፍርድ ሒደት ዋስትና ማለት ማንም ሰው ያለፍርድ በእስራት ሊቀጣ ኣይችልም ማለት ነው። በዲሞክራሲያዊት ሀገር ፍርድ ማለት ነፃ የሆነ ዳኛ፡ ተከሳሹ ጥፋተኛ ነው ወይስ አይደለም የሚለውን የሚወስን ሲሆን፡ ነፃ ዳኛ ደግሞ ተከሳሹ ጥፋተኛ ሆኖ ከተገኘ ቅጣቱን ይወስናል ማለት ነው። ሁሉም ተከሳሾች የመከላከል መብት አላቸው።

የሃይማኖት እና የእምነት ነፃነት ማለት፡ ሰዎች የትኛውን ሃይማኖት ወይም እምነት መምረጥ እና ሃይማኖታቸውን ወይም እምነታቸውን መተግበር ነጻ ናቸው ማለት ነው። በሌላ አነጋገር፡ ማንም ሰው ከሃይማኖት ቡድን ወይም እምነት ማህበረሰብ እንዲቀላቀሉ ወይም እንዲለቁ የማስገደድ መብት የለውም። ማንም ሰው በሃይማኖቱ ምክንያት አይሰደድም ወይም አይቀጣም። ከ15 ዓመት እድሜ ጀምሮ፡ ማንኛውም ሰው፡በራሱ ተነሳሽነት የሃይማኖት ወይም የእምነት ቡድን የመቀላቀል ወይም የመልቀቅ መብት አለው።

• ሰዎች ለስደት እና ለቅጣት ሳይጋለጡ የፖለቲካ ፓርቲ ወይም የጥቅም ድርጅት አባል የመሆን መብት አላቸው
  
• ሰዎች ስደትና ቅጣት ሳይደርስባቸው የሠራተኛ ማኅበር አባል የመሆን መብት አላቸው። በአንዳንድ ሁኔታዎች ሰዎች የስራ ማቆም አድማ የማድረግ መብትም አላቸው።
• ሰዎች ሃሳባቸውን በህጋዊ ሰልፎች የመግለጽ መብት አላቸው።