Reglar for opphald
Lærerinnhold
Tips til undervisningen
Snakk sammen
Hvem som får bo i et land er et politisk spørsmål. Innvandring og mottak av flyktninger er et av de mest debatterte temaene i norsk politikk, med mange sprikende og sterke meninger. Meningene kan for eksempel være basert på økonomi, kulturspørsmål, redsel for det ukjente, rettferdighet eller integreringsspørsmål. Norge er i tillegg bundet av internasjonale avtaler og traktater som handler om innvandring.
Når et land tar imot flyktninger, sier man også ja til ansvar og forpliktelse. I Norge får flyktninger tilbud om introduksjonsprogram. Gjennom introduksjonsprogrammet får flyktningen mulighet til å kvalifisere seg for arbeid og mottar også en introduksjonsstøtte i en periode. Til gjengjeld forventes det at flyktningene selv skal gjøre en innsats blant annet for å lære seg språket, tilpasse seg kulturen og komme i arbeid.
Lenker
Tips til undervisninga
Snakk saman
Kven som får bu i eit land, er eit politisk spørsmål. Innvandring og kor mange flyktningar vi skal ta imot er eit av temaa det er mest debatt om i norsk politikk, og her er mange sprikande og sterke meiningar. Meiningane kan til dømes vere baserte på økonomi, kulturspørsmål, redsle for det ukjende, rettvise eller integreringsspørsmål. Noreg er dessutan bunde av internasjonale avtalar og traktatar som handlar om innvandring.
Når eit land tek imot flyktningar, seier ein òg ja til ansvar og plikter. Flyktningar som kjem til Noreg, får tilbod om eit introduksjonsprogram. Dette introduksjonsprogrammet gjev flyktningar ei moglegheit til å kvalifisere seg for arbeid, og dei får òg introduksjonsstønad i ein periode. Til gjengjeld blir det venta av flyktningane at dei sjølve skal gjere ein innsats, mellom anna for å lære seg språket, tilpasse seg til kulturen og kome i arbeid.
Reglar for opphald
Ein innvandrar er ein person som er fødd i utlandet, men som bur i Noreg. Innvandrarar i Noreg har ulike typar opphaldsløyve og ulike rettar.
- Innbyggjarar frå EU/EØS-land kan jobbe i Noreg utan å søkje om opphaldsløyve, men dei må registrere seg hos politiet. Registreringa er digital.
- Overføringsflyktningar eller kvoteflyktningar kjem til Noreg etter avtale med UNHCR (FN). Dei får eit mellombels opphaldsløyve når dei kjem til landet.
- Ein person som blir individuelt forfølgd i heimlandet på grunn av rase, religion, nasjonalitet, seksuell legning eller politisk arbeid, kan få asyl i Noreg. Asylsøkjarar kjem sjølve til Noreg og søkjer om asyl. Dei kan få avslag eller bli innvilga asyl/opphald på grunnlag av sterke menneskelege omsyn.
- Familiemedlemar til personar som har fått opphaldsløyve i Noreg, kan søkje om familiesameining.
Til dagleg blir overføringsflyktningar og personar som har fått innvilga asyl/opphald ut frå sterke menneskelege omsyn, kalla for flyktningar.
Dei tre eller fem første åra i Noreg får ein eit mellombels opphaldsløyve. Dette løyvet må som regel fornyast kvart år. Etter tre eller fem år kan ein søkje om permanent opphaldsløyve. Etter seks, sju eller åtte år kan ein søkje om norsk statsborgarskap.
Kjelde: www.udi.no
På nettsidene til UDI kan du fylle ut informasjon og få tilpassa rettleiing. Du kan òg levere aktuelle søknader digitalt her. Sida finst i norsk og engelsk utgåve.
Internett
Snakk saman
- Kven avgjer kven som får bu i eit land?
- Kan alle som vil, flytte til heimlandet ditt?
- Kvifor får ikkje alle som vil, opphaldsløyve i Noreg?
- Kva ansvar har eit land som tek imot flyktningar, og kva ansvar har flyktningen sjølv?
Vel rett svar.
Kva ligg i ordet innvandrar?
Vel rett svar.
Kan innbyggjarar frå EU/EØS-land jobbe i Noreg utan å søkje om opphaldsløyve?
Vel rett svar.
På kva for nettside kan ein fylle ut informasjon og få tilpassa rettleiing i opphaldssaker?
Vel rett svar.
Kva kan familiemedlemar til personar som har fått opphaldsløyve i Noreg, søkje om?
Vel rett eller gale.
Les påstandane. Kva er rett? Kva er gale?