ክርስትና ወደ ኖርዌይ መጣ

ክርስትና ወደ ኖርዌይ ከመምጣቱ ከረጅም ጊዜ በፊት በደቡብ አውሮፓ ውስጥ ዋነኛው ሃይማኖት ነበር። በ1030 ኦላቭ ሃራልድሰን በስቲክልስታድ ጦርነት ሲገደል ልጁ አባቱን ቅዱስ ለማድረግ የቤተ ክርስቲያንን እርዳታ ጠየቀ። ኃያላን ገበሬዎችና አለቆች እየበዙ ክርስትናን ቀስ በቀስ ተቀብለዋል። በስልጣን ላይ ያሉት ወደ አዲሱ እምነት ሲሸጋገሩ፣ ብዙ ተራ ሰዎች ይህንን ተከተሉ። ቤተ ክርስቲያኒቱ ብዙም ሳይቆይ ትልቅ ኃይል ኣገኘት።ሰዎች ለቤተክርስቲያን ግብር መክፈል ጀመሩ፡ ብዙዎቹም መሬታቸውን ለቤተ ክርስትያን ሰጡ። ሃይማኖት በተራ ሰዎች ሕይወት ውስጥ ትልቅ ስፍራ ያዘ።

"ጥቁር ሞት"

ሥልጣን በቤተ ክርስቲያን፣ በንጉሡና በመኳንንት እጅ።

በመካከለኛው ክፍለ ዘመን አብዛኛው ሰው የሚተዳደረው በግብርና ሥራ ነበር፡፡ በቫይኪንጎች ዘመን አብዛኛዎቹ ገበሬዎች እርሻቸውን እና መሬታቸውን የራሳቸው ነበሩት፣ አሁን ግን፡ ሰዎች ለቤተ ክርሰቲያን፣ ለንጉሡ እንዲሁም ለባለ ርስቶች ግብር መክፈል ነበረባቸው። ግብር መክፈል ያልቻለ ማንኛውም ሰው ደግሞ መሬቱን ማስረከብ ነበረበት። ስለሆነም፣ ቤተ ክርስቲያን፡ ንጉሡና መኳንንቶቹ እየበለጸጉ ሲሔዱ፣ ተራው ሕዝብ እየደኸየ መጣ።

በኖርዌይ ውስጥ የመጀመሪያዎቹ ከተሞች የተመሰረቱት በዚህ ወቅት ነው። ትላልቆቹ ከተሞች፣ በርገን (ብዮርግቪን)፡ ትሮንደሄም (ኒዳሮስ)፡ ኦስሎ፡ ስታቫንገር እና ቶንስበርግ ነበሩ።

ውሕደት

በ14ኛው ክፍለዘመን የዳኒሾች ተጽእኖ በኖርዌይ ላይ እያየለ መጥቶ የነበረ ሲሆን ኖርዌይ እ.ኤ.አ ከ1397 ዓ.ም ጀምሮ ከዴንማርክና ከስዊድን ጋር ውሕደት ፈጥራ ነበር፡፡ ይህ ውሕደት በአንድ ንጉሥ ስር የሚተዳደር ነበር፡፡ ስዊድን ከውህደቱ ቆየት ብላ የወጣች ሲሆን ዴንማርክና ኖርዌይ ግን እስከ 1814 ዓ.ም ድረስ አብረው ዘልቀዋል፡፡ ውሕደቱ ይመራ የነበረው ከዴንማርክ ነበር። የዴንማርክ ዋና ከተማ የሆነችው ኮፐንሃገን የውህደቱ የባሕል ማዕከል የነበረች፣ ስለሆነም ኖርዌጃኖች የዴንማርክ ቋንቋ ኣንበበው ይጽፉ ነበር። የኖርዌይ ገበሬዎች በኮፐንሃገን ለሚገኘው ንጉሥ ግብር ይከፍሉ ስለነበር፡ ኖርዌጃኖች ትምህርታቸውን ለመከታተል ወደዚያ ይሄዱ ነበር።

የፕሮቴስታንት እምነት

• ይህ የታሪክ ወቅት በአገራችሁ ምን ይመስል ነበር?
• በትውልድ አገራችሁ "ጥቁር ሞት" ተከስቶ ነበርን?
• በኣሁኑ ጊዜ ከዚህ ጋር የሚመሳሰል ሁኔታ ገጥሟችሁ ያውቅ ይሆን?
• ሃይማኖት በሰዎች ሕይወት ውስጥ ትልቅ ቦታ ነበረው። ቤተ ክርስቲያን ብዙ ኃይል ነበራት። ይህ በሰዎች ላይ ምን ተጽዕኖ ያሳደረ ይመስልሃል? ዛሬ ያለው ሁኔታ ምን ይመስላል?
• ከዴንማርክ ጋር የነበረው ውሕደት የኖርዌይን ሕዝብና የሃገሪቱን ማሕበረሰብ እድገት በምን መልኩ እንደነካው ታስባላችሁ?