ناروے میں عیسائیت کی آمد

ناروے میں آمد سے بہت پہلے ہی عیسائیت جنوبی یورپ میں عام مذہب بن چکی تھی۔ مگر جب سنہ 1030 میں Stiklestad کی لڑائی میں Olav Haraldsson مارا گیا تو Olavکے بیٹے نے چرچ کی مدد سے اپنے باپ کو سینٹ کا درجہ دلوایا۔ وقت کے ساتھ ساتھ بہت سے بااثر زمیندار اور سردار عیسائی ہوتے گئے۔ بااثر طبقے کے مذہب بدلنے کے بعد عوام میں بھی مذہب بدلنے والوں میں اضافہ ہوتا گيا۔ چرچ کو جلد ہی بہت طاقت حاصل ہو گئی۔ لوگ چرچ کو ٹیکس ادا کرنے کے پابند تھے اور بہت سے لوگوں نے اپنی زمین بھی چرچ کو دی۔ عام لوگوں کی زندگی میں مذہب نے بہت اہمیت حاصل کر لی۔

طاعون کی وبا

طاقت چرچ، بادشاہ اور اشرافیہ کے ہاتھ آ گئی

قرون وسطی' میں زیادہ تر لوگ کسان تھے۔ وائیکنگز کے زمانے میں اکثر کسان اپنے کھیتوں اور زمین کے مالک خود تھے لیکن اب زیادہ تر کسانوں کو چرچ، بادشاہ اور اشرافیہ کو ٹیکس ادا کرنا پڑتا تھا۔ جو لوگ ٹیکس ادا نہ کر پاتے، انہیں اپنی زمین سے محروم ہونا پڑتا۔ اس طرح چرچ، بادشاہ اور اشرافیہ امیر سے امیر تر ہوتے گئے جبکہ عوام غریب ہوتے گئے۔

ناروے کے اولّین شہروں کی بنیاد اسی زمانے میں پڑی۔ سب سے بڑے شہر برگن (Bjørgvin)، تھروندہائیم (Nidaros)، اوسلو، ستاوانگر اور Tønsberg تھے۔

یونین

چودہویں صدی کے دوران ناروے پر ڈنمارک کا اثرورسوخ بڑھتا گیا اور 1397 سے ناروے ڈنمارک اور سویڈن کے ساتھ یونین میں شامل ہو گیا۔ یونین کا بادشاہ مشترک تھا۔ آگے چل کر سویڈن یونین سے الگ ہو گیا لیکن ڈنمارک اور ناروے کی یونین سنہ 1814 تک برقرار رہی۔ اس یونین پر ڈنمارک کی حکومت تھی۔ کوپن ہیگن اس یونین کا تہذیبی مرکز تھا اور ناروے کے لوگ ڈینش زبان پڑھتے اور لکھتے تھے۔ ناروے کے کسان کوپن ہیگن میں بادشاہ کو ٹیکس ادا کرتے تھے اور ناروے کے لوگ تعلیم حاصل کرنے کے لیے کوپن ہیگن جاتے تھے۔

پروٹیسٹنٹ ازم

• اس زمانے میں آپ کے وطن کے تاریخی حالات کیا تھے؟
• کیا آپ کے وطن میں طاعون کی وبا آئی تھی؟
• کیا آپ تاریخ کے اس دور اور ہمارے زمانے میں کچھ مشترک باتیں دیکھتے ہیں؟
• مذہب کو لوگوں کی زندگی میں بہت اہمیت حاصل تھی۔ چرچ کو بہت طاقت حاصل تھی۔ آپ کے خیال میں اس سے لوگوں پر کیا اثرات پڑے؟ آج اس سلسلے میں کیا صورتحال ہے؟
• آپ کے خیال میں ڈنمارک کے ساتھ یونین میں ہونے کی وجہ سے ناروے کے لوگوں اور نارویجن معاشرے کے ارتقاء پر کیا اثر پڑا؟