Helse og livsstil
Lærerinnhold
Tips til undervisningen
En del sykdommer kan knyttes til kosthold og livsstil, eventuelt i tillegg til arvelighet. Eksempler er diabetes 2, lungekreft og hjerte- og karsykdommer.
Minn gjerne deltakerne på at de vil trenge et ekstra tilskudd av vitamin D i Norge (tran, trankapsler, e.l.).
Læreren må tilpasse undervisning om matvarer til deltakernes bakgrunn og kunnskap.
Se filmen
Videoen viser 15 klipp. De første tre klippene viser nordmenns møte med helsesektoren: en baby på kontroll hos legen, en lege som viser noe til en pasient på en iPad og en person som blir vaksinert. De neste seks klippene handler om mat: noen av klippene viser mennesker som kjøper og spiser sunn mat, mens noen av klippene viser mennesker som spiser usunt. De siste seks klippene viser ulike former for fysisk aktivitet, som gåtur, fotball, yoga og trening hjemme.
Forslag til spørsmål
Hva tenker du på når du hører uttrykket «god helse»? Tenkte du på god fysisk helse, god psykisk helse eller begge deler?
Hva er god fysisk helse? Hva er god psykisk helse? Henger det sammen?
Hva kan man gjøre for å få eller opprettholde god helse?
Hvilke råd ville du gitt til en venn som hadde lyst til å begynne å trene, men ikke visste hva eller hvordan?
Hva er den vanligste formen for fysisk aktivitet i ditt hjemland?
Snakk sammen
Endringer i livssituasjon og kosthold kan påvirke helsen. Dersom man opplever depresjon, tristhet eller stress, kan det føre til feil matvaner og påvirke både den psykiske og fysiske helsen. Stress kan også føre til hormonell ubalanse, noe som igjen kan gjøre helsen dårligere.
Familien Hansen
Prøv å ha fokus på hva foreldre kan gjøre i en slik situasjon. Kan de bruke/utvide nettverket i nærmiljøet? Kan de ta en piknik på en lekeplass i stedet for middag i leiligheten? Kan de ta med barna på en togtur? Gå i skogen? En tur på stranda? Invitere barnas venner hjem? Benytte ulike aktivitetstilbud for barn arrangert av kommunen eller frivillige?
Mehmet
Innspill til helsemessige konsekvenser for Mehmet: utenforskap, savn, Mehmet kan slutte å være fysisk aktiv.
Råd til foreldrene: Sjekke om det finnes det økonomiske ordninger som kan hjelpe foreldrene med betalingen, prioriteringer innad i familien og lignende.
Lenker
Tips til undervisninga
Ein del sjukdomar kan knytast til kosthald og livsstil, og somme er dessutan arvelege. Diabetes 2, lungekreft og hjarte- og karsjukdomar er døme på slike sjukdomar.
Minn gjerne deltakarane på at dei kjem til å trenge ekstra tilskot av vitamin D i Noreg (tran, trankapslar e.l.).
Læraren må tilpasse undervisninga om matvarer etter bakgrunnen og kunnskapen til deltakarane.
Sjå filmen
Videoen er sett saman av 15 klipp. Dei første tre klippa viser nordmenn i møte med helsesektoren: ein baby på kontroll hos legen, ein lege som viser noko til ein pasient på ein iPad, og ein person som blir vaksinert. Dei neste seks klippa handlar om mat. Nokre av klippa viser menneske som kjøper og et sunn mat, medan nokre viser menneske som et usunt. Dei siste seks klippa viser ulike former for fysisk aktivitet, så som turgåing, fotball, yoga og trening heime.
Framlegg til spørsmål
Kva tenkjer du på når du høyrer uttrykket «god helse»? Tenkte du på god fysisk helse, god psykisk helse eller begge delar?
Kva er god fysisk helse? Kva er god psykisk helse? Heng dei to saman?
Kva kan ein gjere for å få eller halde ved like god helse?
Kva råd ville du gjeve til ein ven som har lyst til å trene, men ikkje veit kva eller korleis?
Kva er den vanlegaste forma for fysisk aktivitet i heimlandet ditt?
Snakk saman
Endringar i livssituasjon og kosthald kan påverke helsa. Dersom ein er plaga med depresjon eller er trist eller stressa, kan det føre til dårlege matvanar og påverke både den psykiske og den fysiske helsa. Stress kan òg føre til hormonell ubalanse, som igjen kan gje dårlegare helse.
Familien Hansen
Prøv å fokusere på kva foreldre kan gjere i ein slik situasjon. Kan dei bruke/utvide nettverket sitt i nærmiljøet? Kan dei ta ein piknik på ein leikeplass i staden for å ete middag i leilegheita? Kan dei ta med barna på ein togtur? Gå i skogen? Ta ein tur på stranda? Invitere venene til barna heim? Nytte ulike aktivitetstilbod som kommunen eller frivillige arrangerer for barn?
Mehmet
Innspel til helsemessige konsekvensar for Mehmet: utanforskap, sakn, Mehmet kan slutte å vere fysisk aktiv.
Råd til foreldra: Sjekk om det finst økonomiske ordningar som kan hjelpe foreldra med betalinga, prioriteringar i familien og liknande.
Sjå filmen
Helse og livsstil
Historisk utvikling
I dag er Noreg eit land med høg levestandard. Det finst medisinar mot mange alvorlege sjukdomar, og velferdssamfunnet har ordningar slik at alle har tilgang til legehjelp og medisinar. Barn får tilbod om gratis vaksinar mot fleire sjukdomar. Tidlegare døydde mange i Noreg av sjukdomar som følgjer med fattigdom, til dømes underernæring eller tuberkulose. Det var òg mange som døydde fordi det ikkje fanst behandling.
Folkehelsa i Noreg har blitt mykje betre i løpet av dei siste hundre åra. Dette skuldast i stor grad at velferdssamfunnet har utvikla seg og gjer det mogleg for fleire og fleire å leve gode og trygge liv. Folk i Noreg lever lenger i dag enn tidlegare. Mange eldre er òg friskare enn før. Dette gjer det mogleg å leve eit langt, godt og aktivt liv.
Dette tyder ikkje at Noreg er eit samfunn utan sjukdom. Til dømes er mange plaga med muskel- og skjelettlidingar. Diabetes og fedme er eit veksande problem. Dei vanlegaste dødsårsakene i Noreg er hjarte- og karsjukdomar og kreft.
Førebygging av helseproblem
Kor god helse vi har heng saman med korleis vi lever. Dette gjeld både for den fysiske og psykiske helsa vår. Sjansen er større for at vi held oss friske lenger dersom vi et sunt og er fysisk aktive. Dei som røykjer, har høgare risiko for å få kreft og hjarte- og karsjukdomar.
Sjølv om velferdssamfunnet tek på seg eit stort ansvar for å sikre at innbyggjarane har god helse, er det òg i mange tilfelle opp til kvar einskild korleis han eller ho lever livet sitt og passar på helsa.
Psykisk helse er like viktig som fysisk helse. Dei fleste menneske trivst godt om dei har sosial omgang med andre menneske. Det kan vere å leve saman i ein familie, ha gode vener eller ha gode arbeidskollegaer. Det er òg viktig for helsa å ha det godt med tankane sine, vere roleg innvendig, sove godt og elles ha det bra. I Noreg seier vi at ein god latter forlengjer livet.
Kosthald
- Diskuter samanhengen mellom kosthald og helse.
- Et du det same no som du gjorde før du kom til Noreg?
- Heng klima og kosthald saman?
- Kva meiner du er usunne matvarer?
- Kva meiner du er sunne matvarer?
Mange helsearbeidarar som har kontakt med innvandrarar, er urolege for helsa til innvandrarane. Dei uroar seg fordi dei ser at fleire innvandrarar enn nordmenn mellom anna har desse helseproblema:
- diabetes
- fedme
- dårleg tannhelse
- feilernæring, spesielt mangel på jern og vitamin D
- depresjonar
Snakk saman
diabetes – kreft – astma – fedme
allergi – hjarte- og karsjukdomar
- Diskuter samanhengen mellom livsstil og desse sjukdomane.
- Er desse sjukdomane vanlege i land du kjenner frå før?
- Diskuter grunnar til at innvandrarar kan få andre helseproblem enn dei hadde før dei kom til Noreg.
- Kva kan vi gjere for å ta vare på helsa vår?
Det er sommar. Heime hos familien Hansen har dei tre barna på sju, ni og elleve år skuleferie. Dei kjedar seg og tykkjer at dagane er lange. Dei fleste av venene deira har reist bort eller er opptekne med andre ting. Mamma og pappa er slitne etter jobb og vil helst slappe av når dei har fri. Familien er mykje inne i leilegheita.
- Kva tenkjer du om situasjonen til familien?
- Kva synest du foreldra bør tenkje på?
- Kan situasjonen ha noko å seie for helsa til barna og foreldra?
- Kan situasjonen påverke andre ting for barna?
Mehmet går i sjette klasse. Han har mange gode vener i klassen. Dei speler mykje fotball i friminutta. Dei fleste av venene hans speler òg på det lokale fotballaget, som trenar to ettermiddagar i veka. Mehmet vil gjerne bli med på laget, men foreldra hans er negative til det. Det kostar pengar, og familien har ikkje så god råd.
- Korleis kan denne situasjonen påverke helsa til Mehmet?
- Kva tenkjer du om situasjonen til foreldra?
Vel rett svar.
Korleis er levestandarden i Noreg i dag?
Fullfør setninga.
Sjansen er større for at vi held oss friske lenger dersom vi ...
Vel rett svar.
Kva er rett?
Vel rett eller gale.
Les påstandane. Kva er rett? Kva er gale?
Vel rett eller gale.
Les påstandane. Kva er rett? Kva er gale?
Vel rett bilete.
Kva for bilete viser ein sunn livsstil? Det kan vere fleire rette svar.