Saxaafadda bulshada iyo awoodda qiimaynta waxyaalaha dhigitaalka ah
![](/img/Crop:geometry=2155x923_2b0_2b233_Scale:geometry=_3e800x_3e-SosialeMedier_GettyImages-1287186695_iStock_Tero Vesalainen.jpg)
Filinka daawo
Saxaafadda bulshada iyo awoodda qiimaynta waxyaalaha dhigitaalka ah
![Oversiktsbilde av mange mennesker. Det er streker mellom dem, illustrasjon for nettverk.](/img/Scale:geometry=_3e1200x_3e-nettverk-GettyImages-1180187740-Orbon-Alija.jpg)
Hadda dadka badankoodu si joogto ah ayay u adeegsadaan internetka iyo saxaafadda bulshada. Internetka ayaan bangiga iyo hay'adaha dawladdaba ka galnaa, internetka ayaanan ku adeegannaa. Waxaa nagula aqoonsadaa BankID, erey fure ah, faraha ama wejiga.
![To hender trykker på et tastatur. I bildet flyr flere ikoner med bilde av en hengelås på. Bildet illustrerer nettsikkerhet. Foto](/img/Crop:geometry=1885x1414_2b117_2b0_Scale:geometry=_3e400x_3e-Nettsikkerhet_GettyImages-1206983388_iStock_marchmeena29.jpg)
Saxaafadda bulshada waxaa ka mid ah Facebook, Twitter iyo Instagram. Halkan ayaan dadka kula wadaagnaa fikirkayaga, sawirro iyo filimaan. Sidaas ayaanan ku xajisannaa xiriirka qoyska, saaxiibbada iyo midka macruufada. Waxaa laga yaabaa in aan maalintii reebno raad badan oo dhigitaal ah, waana la kaydiyaa raadadkaas. Ma ka fikirtay waxa dhici kara haddii ay raadadkaas gacanta u galaan dad xumaan-doon ah? Ka warran haddii qofi helo ereygaaga furaha ah? Ka warran haddii ay dadi sawirradaada gaarka ah dadka kale la wadaagaan?
Waxaa muhiim ah in aad ku baraarugsan tahay waxa aad dadka la wadaagayso, cidda aad macluumaadkaaga siinayso iyo waxa macluumaadkaas loo isticmaalayo. Waxaa tusaale ahaan dhici kara in la xado sawirro gaar loo leeyahay, sida kuwa carruurta, oo ay xadaan dad si xun u isticmaala. Waxaa sidoo kale loo baahan yahay in aan taxaddarno marka aan dadka la wadaagayno wax dad kale leeyihiin. Had iyo jeer oggolaasho weydiiso marka hore.
- Ilaalinta macluumaadka qofka waa xaqa qofku u leeyahay noloshiisa gaarka ah iyo in uu xor u ahaado macluumaadkiisa qof ahaaneed. Macluumaadka qofka waxaa ka mid ah magaca, ciwaanka, lambarka telefoonka, lambarka dhalashada iyo meesha asal ahaan laga soo jeedo.
- Dadku dhammaantood waxay leeyihiin qiime aan la jebin karin. Sidaas darteed wuxuu qofku xaq u leeyahay nolol asaga u gaar ah oo asagu maammulo, halkaas oo qofku si xor ah u dhaqmi karo ayada oo aan la khasbayn ama aan dawladda iyo dad kale midna soo faragelinayn. Mabda'aan ayaa qayb ka ah heshiiska xuquuqda aadanaha ee Yurub (EMK).
Xigasho: Hay'adda ilaalinta macluumaadka dadka
Dad badan ayaa fikradahooda isku dhaafasada saxaafadda bulshada iyo internetka intaba. Wax baa la qoraa, la wada hadlaa oo waa la doodaa. Saxaafadda bulshada waxaa si weyn loo adeegsadaa xorriyadda hadalka. Laakiin xorriyadda hadalka waxaa xaddida ilaalinta macluumaadka qofka iyo dhawr qodob oo sharciyada ka mid ah. Lama qori karo wax cunsuriyad ama takoor ah. Laakiin haddana waxaan aragnaa in dadku ay xadadkaan ka tallaabaan. Waxaad mooddaa inay fudaddahay in xadka laga tallaabo marka internetka wax lagu qorayo ee aan qof toos loola hadlayn. Weliba markuu qofku is qarin karo ayaa waxaa la qoraa wax badan oo aflagaaddo iyo sharcidarraba ah. Qiimaynta fiican ee waxyaalaha dhigitaalka ah waa haddii faallada qofku ku qorayo internetka ay tahay mid uu qofka kale hortiisa ka dhihi karo.
![En mann og en kvinne sitter ved siden av hverandre med hver sin mobil. Det er mange flyvende ikoner i bildet som viser hjerter og likerklikk. Bildet viser at de to personene sjekker sine sosiale medier. Foto](/img/Crop:geometry=2121x1193_2b0_2b110_Scale:geometry=_3e1200x_3e-SosialeMedier_GettyImages-1267194556_VioletaStoimenova.jpg)
Wada hadla
![](/img/Scale:geometry=_3e1200x_3e-SnakkSammen_GettyImages-951455116_yuoak_DigitalVision Vectors.jpg)
- Maxaa kuu soo baxa marka aad adigu internetka iska baarto?
- Ka dooda waxa loola jeedo awoodda qiimaynta dhigitaalka.
- Ka wada hadla xiriirka u dhexeeya ilaalinta macluumaadka qofka iyo awoodda qiimaynta dhigitaalka.
- Ka wada hadla muhiimadda ay leedahay in lagu baraarugsanaado waxa la dhigayo saxaafadda bulshada.
- In baraha faallada wax lagu qori karo ayada oo la is qarinayo maxay keeni kartaa ayay kula tahay?
![](/img/Crop:geometry=1886x1415_2b116_2b0_Scale:geometry=_3e400x_3e-melding-GettyImages-1217093906.jpg)
![](/img/Crop:geometry=1820x1365_2b188_2b0_Scale:geometry=_3e400x_3e-telefoner-GettyImages-1208192694.jpg)
Dooro jawaabta saxda ah
Inaad oggolaasho weydiisato miyaa lagaaga baahan yahay si aad sawirrada dadka kale u soo dhigta saxaafadda bulshada?
Dooro jawaabta saxda ah
Maxaan la oggolayn in internetka lagu qori?
Dooro jawaabta saxda ah
Maxaa lagu gartaa qiimaynta wanaagsan ee waxyaalaha dhigitaalka ah?
Dooro jawaabta saxda ah
Waa maxay ilaalinta macluumaadka qofka?
Dooro sax ama khalad
Akhri doodaha. Maxaa sax ah? Maxaa khalad ah?