ته‌ندروستی

• ته‌ندروستی باش یانی چی؟
• كێ به‌ر‌پرسیاری ته‌ندروستی دانیشتوانی وڵاتێكی هه‌یه‌؟
• ئێمه‌ خۆمان بۆ پارێزگاری له‌ ته‌ندروستی خۆمان ده‌توانین چی بكه‌ین؟
• ئایا بۆ ئاگاداری كردن له‌ ته‌ندروستی خۆت، ئێستا كه‌ له‌ نۆڕوژ ده‌ژی، ده‌بێ بیر له‌ شتێكی جیاواز‌ لەو كاته‌ی كه‌ له‌ وڵاتی خۆت ده‌ژیای بكه‌یه‌وه‌؟
• كاتێك كه‌ ده‌چێ‌ لای دكتۆر چ چاوه‌ڕوانیه‌كت هه‌یه؟
• به‌ بڕوای تۆ له‌ چ دۆخێكدا چوونه‌ لای دكتۆر پێویسته‌؟

ته‌ندروستی باش - زیاتر دوور بوون له‌ نه‌خۆشییه؟

كه‌سانێك دەشێت بڵێن ته‌ندروستی باش به‌و مانایەیە كه‌ مرۆڤ نه‌خۆش نیه‌. كه‌سانێكی تر ده‌ڵێن، ته‌ندروستی باش یانی ئه‌وه‌یكه‌ مرۆڤ كه‌یف خۆشه‌ و له‌ ژیانی خۆی ڕازیه‌. هه‌ر دووكی ئه‌و پێناسانه‌‌ له‌ ته‌ندروستی باش ڕاستن. له‌ كۆمه‌ڵگه‌یه‌ك كه‌ نه‌خۆشیه مه‌ترسیداره‌‌كان و فه‌قیری به‌شێكی گه‌وڕه‌‌ له‌ ژیانە‌، له‌ وانه‌یه‌ پێناسه‌ی یه‌كه‌م ئاساییتر بێت. له‌ كۆمه‌ڵگایه‌كی تر كه‌ ده‌رمان بۆ زۆربه‌ی نه‌خۆشیه‌كان هه‌یه‌ و هه‌موو كه‌س ده‌رفه‌تی یارمه‌تی ده‌ست به‌جێی دكتۆری هه‌یه‌، زۆڕبه‌ی خه‌ڵك ئاوا بیر بكه‌نه‌وه‌ كه‌ ته‌ندروستی باش زیاتر لەوه‌دایه‌ كه‌‌ له‌ش و ده‌روونت ساغ بێت.

كێ به‌رپرسیاری ته‌ندروستی ئێمه‌یه‌؟

له‌ ڕابردوو مرۆڤ زیاتر وای بیر ده‌كرده‌وه‌ كه‌ كاربه‌ده‌ستانی ته‌ندروستی به‌رپرسیاری ته‌ندروستی نه‌خۆشه‌كان بوون. له‌و ساڵانه‌ی ئه‌خیردا زیاتر ئاسایی بووه‌ كه‌ ئێمه‌ بۆخۆمان به‌رپرسیاری گه‌وره‌مان بۆ ته‌ندروستی خۆمان هه‌یه‌. ئه‌و شێوازه‌ی بۆ ژیان هه‌ڵیده‌بژێرین، كاریگه‌ری له‌ سه‌ر ته‌ندروستیمان داده‌نێت. ئه‌ركی كاربه‌ده‌ستانی ته‌ندروستی ئه‌وه‌یه‌ كه‌ ڕێنوێنی و ئامۆژگاری بده‌ن، به‌ڵام خۆمان به‌رپرسی جێ به‌ جێ كردنی ئه‌و ئامۆژگاریانه‌ین. زانیاری بۆ ڕێ لێ گرتن و چاره‌سه‌ر كردنی نه‌خۆشیه‌كان له‌ سه‌ر ئینته‌رنێت، لای دكتۆر و له‌ ده‌رمانخانه‌ وه‌ ده‌ست ده‌كه‌وێت.

له‌ زۆر وڵاتان نه‌خۆش ئۆگریان گرتووه‌‌ كه‌ دكتۆر خاوه‌ن ده‌سه‌ڵاته‌ بۆ‌ بڕیاردان له‌سه‌ر چاره‌سه‌رێكان. هه‌ر وه‌ها له‌ وانه‌یه‌ نه‌خۆش ئۆگری گرتبێت كه‌ مرۆڤ هیچ وه‌خت به‌ بێ دارو و ده‌رمان له‌ لای دكتۆر ناڕوا. له‌ نۆڕوێژ ئاساییه‌ نه‌خۆش و دكتۆر پێكه‌وه‌ ڕێو شوێنه‌كانی جۆراوجۆری چاره‌سه‌ری و به‌دواداچوون باس ده‌كه‌ن.